خيرك يامصر

مش عارفه اقول ايه؟
مصر بلدنا دي علي رئي احمد حلمي عسل اسود
حلو بس مبيكماش ولا عمره هيكمل
كلامي ده مش حوارات ولا اي كلام
لا ده حقيقه محدش يقدر ينكرها
مصر خيرها لسه فيها
النيل ؛ الاهل ؛الحواري ؛الحضاره
احلي طبق كشري
احلي سندوتش فول
احلي ناس يحسوا بيك ويعملوا الواجب صح
خيرها في مستشفي السرطان
الي اتبنت بفلوس الناس الغلابه والقادرين
العلاج هناك مجانا للغني او الفقير
الخير في طفل اتولد مع ام مش مسؤله
او اب مش حاسس بالنعمه الي ربنا ادهاله
لقي دار ايتام تراعيه
لقي ايد حنينه اتمدت له
اكيد مستقبله بقي احسن
خيرها في واحد سابها
غصب عنه طبعا
بس بيقول انها احسن بلد ممكن يروحها
خيرها في واحد ضحي بفلوسه
حياته؛ مستقبله وكل حاجه غاليه
علشان يحررها
وترجع عزتنا وكرامتنا
خيرها في نجيب والسادات
في زويل والبرادعي
محفوظ والابنودي
دول زرعه طلعت من ارض الامان