حلقة [2] أنا ليه بعيد عن ربنا ؟؟

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

لماذا لا نتوب ؟

فيه 10 حاجات بتحجب العبد وقلب العبد عن رب العباد

10اسباب بتحجب و بتسد وبتعطل بين قلب العبد وبين التوبه او الهدايا

مش طالبة رغى كتير ف المقدمة لأن العشر اسباب فيهم شرح كتير

بس مش هياخدوا وقت ف القراية ان شاء الله

الحجاب الأول

الجهل بالله

انك متعرفش ربنا دى مشكلة كبيرة وسبب فى حاجات كتير جدا

لو متعرفش ربنا مش هتستحى منه لما تيجي تعمل معصية

لو متعرفش ربنا يبقى مش هتخاف منه ومن عذابه

لو متعرفش ربنا يبقى مش هتحبه

بنسأل نفسنا ليه مش بنخاف من ربنا .. مش بنخشع ف الصلاة ليه

ليه مرتبطين بالدنيا اوى ومش هاممنا الاخره والعذاب والنار

مثال : لو جالنا من كوكب تانى كائن ودخلناه على أسد

فطبيعي مش هيخاف منه لانه (ميعرفوش)
بس الفرق بين الخوف من الله والخوف من الأسد

هو انك بتخاف منه لكن بتحبه وطمعان ف رحمته لكن الأسد بتاخف منه وانت كارهه

فطبيعي عدم خشيتك من الله وعدم خشوعك طالما انت لا تعرف الله ومضيع وقتك فى الدنيا واللعب
ودا أول سر

الحجاب التانى

البدعة والعمل الصالح لغير وجه الله

البدعة هى الأعمال اللى لم ترد فى القران الكريم او ترد فى السنة النبوية وسيرة الخلفاء الراشدين

لقوله صلى الله عليه وسلم:
"كل محدثة بدعة وكل بدعة ضلالة، وكل ضلالة في النار"

والعمل الصالح زى الصلاه والصوم وجوانا اننا بنعمل دا عشان الناس تقول علينا اننا بتوب ربنا وماشاء الله

الواد او البنت زى الفل او بلبس الحجاب ولبس واسع عشان العريس يقول عليه محترمة او عشان الاهل والجيران يقولوا بنت
كويسة

اعمال صالحة مش لوجه الله ودى بتكون حجاب بين القلب وبين ربنا وتوبته

الحجاب التالت

الكبائر الباطنه

كباااااائر باطنة !! طب ادينا مثال كدا عشان نفهم بالله عليك

مثال ( الفخر والكبر والغرور ) تصوروا الحاجات دى بتحجب القلب عن ربنا وبتكون سبب

فى ابعادنا عن طريق التوبة

بتبقى كبائر اعظم من الكبائر الظاهرة (كبائر الذنوب) زى الزنا وشرب الخمر والشتائم ... !!!

الحجاب الرابع

وهى الكبائر الظاهرة

الزنا ..وشرب الخمر.. عقوق الوالدين.. الشرك بالله ..السحر.. القتل . الانتحار
..السرقة .. المتشبهة بالرجال والمتشبه بالنساء
+
الذنوب الصغيرة لما بتصبح كبائر (يا راجل حتى الذنوب الصغيرة ممكن تبقى كبائر؟)
ايوة لما

- تستصغر الذنب

(ياعم دا غيرى بيعمل اكتر من كدا .. يا عم مش هتفرق )

- الاصرار والمواظبة ع الذنب الصغير

(النظر للبنات (زنا العين وهو زنا اصغر ) واحد

اتعود يبص ع البنات ومش عايز يبطل يكبر الذنوب ويبقى من الكبائر )

-الفرح بالذنب

الفرح بالذنب اعظم من الذنب (زى واحد فرح انه قدر يغوى بنت محترمة ومتدينه وقدر يوقعها زى ما بنقول وحس بمتعة وفرح فى دا )

-التهاون بستر الله عليك

قال عبدالله بن عباس رضي الله عنهما: ( يا صاحب الذنب لا تأمن سوء عاقبته.. ولما يتبع الذنب أعظم من الذنب إذا عملته.. قلة حيائك ممن على اليمين وعلى الشمال

(الملكين اللى بيكتبوا الحسنات والسيئات) ـ وأنت على الذنب ـ أعظم من الذنب.. وضحكك وأنت لا تدري ما الله صانع بك أعظم من الذنب.. وفرحك بالذنب إذا ظفرت به أعظم من الذنب.. وخوفك من الريح إذا حركت ستر بابك ـ وأنت على الذنب ـ ولا يضطرب فؤادك من نظر الله إليك أعظم من الذنب ).

- المجاهرة بالمعاصى

ويكفى بشرحها الحديث الشريف قال [ندعوك للتسجيل في المنتدى أو التعريف بنفسك لمعاينة هذه الصورة]: { كل أمتي معافى إلا المجاهرون.. وإن المجاهرة أن يعمل الرجل بالليل عملاً ثم يصبح وقد ستره الله عليه فيقول: يا فلان عملت البارحة كذا وكذا. وقد بات يستره ربه ويصبح يكشف ستر الله عليه }.

- أن تكون شخص يقتضدى به الناس :

مدير مدرسة او مصنع او شخص مشهور او حاجة كبيرة يقتضى الناس بيها

وبعدين يعمل حاجة غلط زى انه يدخن او يكذب او يعمل اى ذنب فالناس تبتدى تعمل زية

وتقلدة (فتاخد ذنوب كل من يقلدك وفى كلة مرة يقلدك تاخد ذنوبه الى ان يموت واذا مت قبلة

تفضل تاخد فى ذنوب كل الناس اللى قلدوك لحد ما يموتوا كلهم)

ودا بينطبق على اللى بيحطوا توقيعات وصور رمزية مخالفة واصحاب المواقع والمنتديات اللى بيسمحوا بنشر

الأغانى والأفلام والكليبات والتواقيع والصور الرمزية >> يوم القيامة جبال من السيئات متعرفش جاتلك منين

{ من سنّ في الإسلام سنة سيئة كان عليه وزرها ووزر من عمل بها من بعده من غير أن ينقص من أوزارهم شيء }

[ندعوك للتسجيل في المنتدى أو التعريف بنفسك لمعاينة هذه الصورة] إن الذين يحبون أن تشيع الفاحشة في الذين آمنوا لهم عذاب أليم

الحجاب الخامس

الصغائر

وهى صغائر الذنوب

والصغائر بتكبر زى ما ذكرنا قبل كدا وبتبقى كبائر وذنوب عظيمة

وذكرنا الاسباب

وكم من صغيرة ادت بصاحبها لسوء الخاتمة والعياذ بالله

فلازم تعظم ذنوبك مهما صغرت واوعى اوعى اوعى اوعى تحقرها او تستصغرها

والمؤمن اللى يعظم ذنوبة مهما صغرت لانه عارف ان ربنا بيراقبة

فاصل عشان ناخد راحة ونرجع إن شاء الله ......

انتظروني ارجو تفاعلكم برائيكم فى الموضوع

شكرا بس او جزاكي الله خيرا مش كفايه عايزه نصيحه منكم

دمتم فى حفظ الله

هاقولك برده جزاك الله خيرا يا كيمو على الحلقة دى وربنا يجعله فى ميزان حسناتك
والنصيحة بقى : انك تكمل فالحلقات دى بجد والله كلنا بنستفيد من الحلقات دى
شكرا بجد

جزاك الله خيرا

وشكرا ل المجهود الجامد

مرسى كيمووو وربنا يوفققك وياريت تكمل باقى الحلقات

مرسى يا كيمووووووووووووووووووووووووووووو

على المجهود الجميل ده

مرسى يا كيمو على المجهود الجامد ده ومنتظرين باقى الحلقات وربنا يوفقك

مرسي يا كيمو علي الحلقه الجميله دي
ربنا يحفظك ويجعلها في ميزان حسناتك وحسنتنا
وكمل علي كدا بجد ربنا يوفئك

جزاك الله كل خير

[ندعوك للتسجيل في المنتدى أو التعريف بنفسك لمعاينة هذه الصورة]

شكرا على كلامك الجميل ده
واحنا باذن الله مستنين المزيد

تسلم ايدك ياكيمو

» [سلسلة] أنا بعيد ليه عن ربنا ؟؟ حلقة [1]
» [سلسلة] أنا ليه بعيد عن ربنا ؟؟ حلقة [2]
» ربنا يسامحك ع انتا عملته فيا
» رجل تتمناه كل النساء ... ربنا يوعدنا !!
» اغنية فى غاية الروعة اتقي ربنا فيا امال ماهر