(للنقاش فقط ) لماذا تصمت البنت عند معاكستها ؟

رايي ان الولد الي بيعاكس هدفه انه يلفت نظرها فانا مش برد علشان ميحسش انه نجح في لفت انتباهي

لان بكل بساطة لو هيا ردت يبقى هو كدا كسب الجولة
لان هو كل هدفه انو هو يلفت نظرها زى ما آنو قالت فلو ردت يبقى هو نجح



وممكن برده سؤال تانى ؟؟؟
ليه الأولاد بيتجهوا للمعاكسة اصلا؟؟؟؟
مع ان هيا بالنسباله يا نجح يا خسر
هل دا بقا من الأولاد ولا من البنات ؟؟؟؟

ممكن البنات تستفز الولاد بلبسها بس برضه ممكن ولد ايمانه قوي متاسرش فيه فهي من الطرفين برضه

طيب شوفتى الموضوع متناسب مع ان الطرفين مش هيستفيدوااا حاجة اصلا
فهيا ليه بقى من الأول

فضا والله مش اكتر او تفاهه شباب
بس المشكله ان في ولا مش بيحسوا انهم رجاله غير لما يعاكسوا
وبنات ميحسوش انهم بنات غير لما يتعاكسوا
الدنيا بقت وحشه اوى
انا بشمئز والله من الي بشوفه

هأولك حاجة من وجهة نظرى لو البنات لابسين كويس عمر ما الشباب هيبصلهم ولو الشباب بأة بياخدوا بشكل الوش وعاكسوا البنات فمن وجهة نظرى لما الكلب بيهوهو موش حد بيرد عليه
مع احترامى للشباب يعنى بس الغلط فى الاول ع البنات يعنى اللى فى الصورة دول
وحدة محجبة ولابسة بنطلون ضيف جدااااااا وبلوزة قصيرة كمان يبأة ليه تتحجب اصلا
واللى بشعرهم وكبار ومسلمين والله انا بشوف عندنا فى بورسعيد مناظر ربنا يستر كلهم اها محجبين واللى موش محجبين تعرف ع طول انهم مسيحيين بس المحجبين بأة عليهم لبس والله يودى فى داهية ولو شفت وحدة لابسة عباية هتأول دى محترمة لو بصيت فى وشها هتلاقيها حاطة ميك أب و لينسز
فبصراحة البنات هما اللى بيجيبوا لنفسهم الكلام واخويا فى مرة قالى انه لو عاكس بنت بيشتمها بعدها مللى هى لبساه وعمر ما واحد هيفكر يرتبط بواحدة تلبس ضيق وكده موش يبأة راجل بصراحة

والله صح وعندك حق

طيب يا بنات كل الى احنا بنقولوه دلوقتى صح .... اوكى معاكوا
انا السؤال بقا الى لازم كل عضو يجاوب عليه
ايه الى خلى المجتمع يبقى ب الشكل دا ؟؟؟ وب النظام دا ؟؟؟؟
سؤال يطرح نفسه بجد عايزة اجابات كتير وعوامل اكتر

بصى الشيطان شاطر زى ما بيأولو ولو لاحظتى كل الهدوم البنات كلها من برة تركى وامريكى كلهم كفرة يعنى فطبيعى دى تكون هدومهم كده هما بأة بيصدروها لمصر والبنات ماشاء الله ما بيصدقوا ولما المصانع المصرية لقت السوق والع بالهدوم دى والبنات شغالين الله ينور فبأوا بيصنعوا الحجات دى ده غير ادوات المكياج الخ الخ الخ انا بنوتة اهو بس والله باول البنت لو محترمة عمرها ما هتلبس كده

انتى بردو مصرة اكتر اصرار انو العيب من البنات
طيب هاقولك على حاجة لو فيه بنت زى ما بتقولى ماشية كدا لو فيه ولدين
واحد عاكسها والتانى لا مش عاكسها
تفسريه بإيه ؟؟؟؟؟
كل واحد عارف هو بيعمل ايه
وفيه ديانات تانيه يعنى الدين لله
هو بس عايز شوية احترام لان فيه شباب فعلا ما بيعملوش كدا

وانتى مين قالك ان الولد اللى موش عاكسها موش بيعاكس فى سره او بيشتمها
هو طبعا غض البصر مطلوب وفى دينا بس محدش من الشباب سيدنا يوسف
وزى ماهو مطلوب غض البصر للشباب مطلوب من البنات الاحتشام فى اللبس ولا كلامى غلط؟

أكيد خوف:

لأن الأهل ما بيصدقون أو يتقبلون شي مثل كذا ولا رح يتفاهموا مع بنتهم بالأسلوب الطيب ..
يعني يصارخون عليها ويحطون اللوم عليها ..
والولد ماعاكس إلا ليثبت رجولته إنه بيقدر يلفت نظر هذي البنت ..

اكيد بتسكت لان مفيش كلام تقوله لواحد زى ده
لانه لو محترم ميعاكسش بنات الناس في الشارع
لانه طبعا مش هيرضي ان حد يعاكس اخته
فياريت كل الشباب تعرف ان كما تدين تدان

من اداب الطريق
1_ غض البصر
2-كف الاذي
3-رد السلام
4- الامر بالمعروف
5-النهي عن المنكر
ممكن يكون خوف
ممكن يون ضعف لاكن لوشي يضرنا ويقضي علي مستقبلنا يجب ان نخبر الجميع
لكن انا مش برد لاني لو رديت هو مش هيسكت بالعكس هيعاكس اكتر
وشكرا علي الموضوع

اه البنات غلطانه بس زمان كانوا يلبسوا اكتر من كده وكان الولد يدافع عن البنت ال تتعاكس خصوصا لو بنت حتته فما بالكم الجيران دلوقتى هما ال بيعاكسوا
وبجد محتاجه اجابه لو باللبس والله بشوف ولاد بيعاكسوا بنات لابسين خمار ومن غير ميك اب ده تفسيره ايه
ال عايز يعاكس هيعاكس حتى لو طلعت اخته ال ماشيه

ياجماعة فية ولاد بيعكسوا أى بنت بيشفوها مالهمش فية بقة لبسة محترم أو غيرة وطبعا لازم تسكت لانها لو ردت علية هاتولة اية وكمان ممكن يكون قليل الادب ويشتمها يعمل أى تصرف أنا شفت قبل كدة قصاد عينى واحد كان بيعاكس واحدة وردت علية ضربها بلقلم طب ولية نعرض نفسنا للموقف دة حتى لو خدت حقها بعد كدة اية شكلها قدام نفسها اضربت من واحد مالوش لازمة ماشى بيعاكس فى ايلى رايحة وايلى جاية وبعدين الكلاب تعوى والقافلة تسير