أنواع الولاد على النت

هاكتب الموضوع دا واجرى علي الله وربنا يستر انا حاسة ان شباب المنتدى
هايستحلوا دمى بعد كده .علي العموم انا هاكتب الموضوع واستخبى في مكان
ماحدش يلاقيني فيه

المرحلة الأولى : ( الي يدوبك لسه متعلم يدخل نت)

العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم
لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

المرحلة الثانية: ( الي بيقعد على النت بس مش
كتير)
النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

[/size]

[size=21]والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

المرحلة التالته : ( الي قاعد على النت ليل نهار)
ده بقى شرحه يطول وينقسم لعدة انواع
1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف
وشك فنصيحه من اولها كده اديله بلوك وديليت

2- ابو دم خفيف
ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك
3- المودي
دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة
جنان كفايه الي الواحد فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر ليه ......ولو
قلتيله ثواني هيقولك ليه رايحة فين؟ متتاخريش ... ايه ده انتي لسه
مجيتيش ؟؟؟

[size=21]5- الناصح
صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب
9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه
ياجماعة اا كان أسبانى كتب موضوع عن أنواع البنات على النت ففى بردوا أنواع الولاد على النت ههههههههههه ولا اية احنا أعلنا الحرب خلاص يابنات وياريت تساعدونى
10- بابا اوبح

[size=21]ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

اذا كان أسبانى كتب موضوع أنواع البنات على النت فاوعوا تزعلوا يابنات ففى موضوع أنواع الولاد على النت بردواههههههههههه بعدين احنا رفعنا شعار البادى أظلم مش كدة ولا اية يابنات ههههههههه

طبعا يا خلود
والفكرة حلوه اوى
تسلم ايدك يا قمرررررررررررررر

مرسى لمرورك ياأمل ويلا بقة انت معايا مش كدة عايزة مواضيع نشردهم فيها هههههههه

ميرسي يا خلود

تسلم ايدك يا خلود توبيك روعه

مرسى يا خلود بجد الموضوع يجنن

مرسى لمروركم ياأحلى أعضاء

» أنواع النفاق
» أنواع الاصدقاء
» هما دول الولاد
» سته أنواع من الاوجاع يجب الا تهمل
» أنواع الرجال في الحب