دعاء حماقى ساعة الإفطار .. "يارب عاوز أتجوز

[ندعوك للتسجيل في المنتدى أو التعريف بنفسك لمعاينة هذه الصورة]

الملك محمدحماقى

- اكد المطرب المصري محمد حماقي انه يعيش اجمل ايام عام 2010 خلال شهر رمضان الحالي، الذي قرر ان يتفرغ فيه للعبادة والتأمل، ويبعد تماماً عن الغناء في اي مكان.
حيث صرح حماقي بأن شهر رمضان هذا العام له طابع خاص جداً، وقال: "عاوز أركز مع رمضان، زي زمان لما كنا نحلق شعرنا قبل الامتحانات علشان نركز في المذاكرة، انا قررت إني اعمل كده في رمضان السنة دي".
وأضاف حماقي في تصريحاته لمجلة "الشباب": "الحمد لله السنة دي قبل رمضان كنت خارج من الألبوم وحفلة مارينا ومضغوط جدا وعندي زحمة شغل جامدة وجيت عند رمضان وقلت لياسر خليل مدير أعمالي أنا مش عاوز أشتغل في رمضان خالص، والحمد لله أنا لحد دلوقتي ماشي كويس .. صيام وصلاة وتراويح ، وأنا شايف إن المفروض أكون كده على طول، والواحد يكون محتاج للتركيز في الصلاة والصوم والحمد لله إني لحد دلوقتي قادر أعمل كده".
وعن روتينه اليومي خلال الشهر الكريم، قال حماقي: "أنا أصلي الفجر وأقرأ القرآن ثم أنام، أصحى قبل العصر علشان أصلي الظهر، وبعد العصر أتفرج على التليفزيون شوية ، بعد كده أفطر، وبعدها أتفرج على التليفزيون تاني، بعد كده أنزل أصلي العشاء والتراويح وأرجع من التراويح أقابل أصحابي سواء عندي أو عند واحد منهم، ونتسحر مع بعض ويلف اليوم تاني".
وتابع حماقي حديثه، قائلاً: "في التليفزيون مفيش حاجة متابعها قوي، لكن بحكم الوقت اللي بقعد أتفرج فيه توجد أشياء معينة أتابعها، مثلا مسلسل "اللص والكتاب" أشوفه قبل الإفطار، وهو مسلسل جميل ودمه خفيف، سامع عن مسلسل الجماعة وشفت منه بعض الحلقات، كمان بشوف مسلسل يحيى الفخراني "شيخ العرب همام" وهو بيعرض بعد الإفطار على طول، لكن بشكل عام أنا مش متابع جيد للتليفزيون بسبب إني مركز أكثر مع العبادات، بعد المغرب بشوية تلاقي نفسك خلاص هتنزل تصلي وتخلص الساعة 11 فمفيش وقت لأي حاجة".
وأضاف حماقي: "انا وزني بيزيد في رمضان لو مخدتش بالي، لأني باكل في مواعيد، أنا أخدت راحتى اول 10 أيام وبعدين ابتديت أول إمبارح ألم الحكاية، السحور مايبقاش تقيل يعني، اللي بيتخني أكتر السحور، لان فيه حاجات كتيرة بتحصل بعد الإفطار فبيبقى فيه مجال لحرق الدهون، إنما السحور هو اللي يزود الوزن، فبدأت دلوقتي إني اتسحر زبادي مع طبق الفول طبعا".
وعن طعامه المفضل في رمضان، قال حماقي:"في رمضان سبحان الله كل الأكلات يصبح ليها طعم، بس فيه حاجات انا بحبها بشكل خاص زي الملوخية وورق العنب والرقاق باللحمة المفرومة، وطبعا في السحور طبق الفول المتين اللي بيظبط اليوم كله، كمان أحب أشرب تمر هندي، أكتر من قمر الدين لأني ماليش تقل عليه، وبحب التمر يكون سكره مش كتير ويكون "مزز"، وبالليل كوب "الشاي باللبن" أساسي.. اما الحلويات في حدود، بس بحب الكنافة جدا، وأمي بطلة العالم في الأكل، بتعمل اكل حلو قوي، وبتعمل كنافة وقطايف حلوة هايله، فدول يمكن بعيش معاهم أول 10 أيام لكن من دلوقتي اعتبرني نسيتهم خلاص".
وفي نهاية حديثه اكد حماقي انه لا يرى أن هناك صيغة معينة في الدعاء يجب الالتزام بها ، وقال: "الدعاء زي ما بيطلع منك، تشوف إنت عاوز إيه ومحتاج إيه ويبقى عندك مساحة وقت في الصلوات إنك تكرر هذا الدعاء، يعني التراويح مثلا بنصلي عشرين ركعة، فتلاقي نفسك بتقرأ قرآن كتير وبتختم القرآن في رمضان وهناك دعاء ختم القرآن، لكن في العادي طول الوقت بدعي".
واضاف حماقي: "أنا بدعي دايما ربنا يسهل لنا طريق الطاعة وييسر لنا الطريق السليم، فيمكن ده هو دعائي الذي اكرره، اما على المستوى الشخصي فبدعي وبقول "يارب عاوز أتجوز"، لان بجد اليومين دول نفسي ربنا يرزقني بواحدة بنت حلال".

[ندعوك للتسجيل في المنتدى أو التعريف بنفسك لمعاينة هذه الصورة]

» دعاء حماقى ساعة الإفطار .. "يارب أتجوز"
» يارب سنة جديدة سعيدة عليكم يارب.......
» خبر هام جدا الي عاوز يدخل ويشوف
» العاب للي عاوز ينتحر
» خبر عاجل عن حماقى ( سفر حماقى الى امريكا لقضاء شهر العسل )