شقاوة
سنة اولى حماقى
الجنس : 
عدد المساهمات : 14
 |  موضوع: لو انت بالصورة دى ادام نفسك وغيرك يبقى لازم تقف مع نفسك بجد !!!  الإثنين 27 سبتمبر - 18:10 | |
|  دايما يقول انا مبعرفش افرق بين ازاى انا سعيد/ة و غير سعيد/ة !!
وساعات ببقى سعيد/ة ومش عارف ليه فجأة مودى بيتقلب وبكون مضايق/ة اوى وحزين/ة ده انا كنت من 5 دقايق مبسوط /ة ... ازاى التغير المفاجىء ده حصلى !!بصوا يا جماعة السعادة دى عاملة زى الايمان ... بيزيد وبينقصالنهاردة بقى هنتكلم عن ازاى النقلة دى بتحصل فى حياتنا .. وايه سبب التحول والتغير داوياترى اسبابه خارجية ولا من جوانا وغالبا هتكون من جواناالاول كده هسألك سؤال !!انت بتحب نفسك ؟؟؟هتقولى قصدى ايه ببحب نفسى ... يعنى انا انانى ولا انا بحب نفسى ومش بحب غيرىهقولك لالالالالا ده معنى من معانى بحب نفسىلكن تصدق طلع فى معنى تانى للكلمة دى واحسن من كده [ندعوك للتسجيل في المنتدى أو التعريف بنفسك لمعاينة هذه الصورة]بحب نفسي يعني بعزها أصلها غالية عليا .. أصل نفسي ده غالية عليا اوي وبقدرها اويخلي بالك من المعنى دوت لو نفسك غالية عليك اوي وإنت حاسس جواك بكدة.. مش هتهنهالان موضوعنا النهاردة بيقول (( إوعى تهين نفسك إوعى والذل لنفسك ))هشرحلكم اهو قصدى وانا عاوزة اقول ايه ....تعرف انهم عملوا إحصائية إيه أكتر كلمة بيستخدمها الناس في التليفونات؟ وقعدوا يقيسوا إيه أكتر كلمة بيستخدموها؟ يا ترى تفتكروا أكتر كلمة كانت إيه؟ كانت ألو ولا إيه؟ طلعت أكتر كلمة أنا، طبيعة النفس البشرية إنه يحب يحس بنفسه معزز مكرم، أنا غالي أنا مقدر أنا قيمتي كبيرةعشان كده عاوزة اقولك اوعى تهين نفسك اوعى تذل نفسك ابدابشكلين مالهمش تالتانك تهين نفسك ادام نفسك .... انك تهين وتذل نفسك ادام الناسلأنك أول ما تهين نفسك يحصل للسعادة زي الأسانسير اللي فك من الفرامل بتاعته فحصل هبوط مفاجئ تبص تلاقي روحك بتتسحب ربنا لما خلق البنى ادم مننا خلق فيه 3 غرائز .... غريزة الاكل والشرب .. غريزة الجنس .. طيب ايه التالتة ؟؟؟؟غريزة الاعتزاز بالنفسطيب الاولى والتانية وفاهمين يعنى ايه !! انما التالتة دى يعنى ايه الاعتزاز بالنفس !!!غريزة الاعتزاز بالنفس ده يا جماعة عايزة توضيح أنا بحب إنجازاتي أنا بحب إن أنا أكون مكرمأنا بحب تبقى صورتي الذهنية حلوة أدام ابويا ادام امى ادام اخواتى ادام صحابي قدام الدنيا كلها.. أنا معتز بنفسي وفخور بنفسي وأحب إن أنا بعد ما أموت وبفكر في الحكاية ده إن يفضل يتقال عليا كلام كويس ..ليه ربنا حطها فينا ؟؟كان ممكن تبقى مش موجودة، ليه ربنا غرز في كل البشر من ادم ليوم القيامة أيا كان دينهم أو لونهم أوجنسهم كبار صغيرين غريزة الاعتزز بالنفس؟ حتى الأطفال لو أهنته يعيط، الغريزة ده ليه ربنا حاططها؟ عشان ربنا بيحبنا ... إيه العلاقة؟ عشان الأرض ماتنحرفش ... يعني إيه؟ما هو جزء من الناس خايفة على صورتها إنها تتفضح إنه يبقى شكله وحش حريص أنه يستر نفسه حريص إن هو يجمل نفسه .. ليه؟ عشان ربنا حاطط جواه الاعتزاز بالنفس ولو دِه مش موجودة تخيل كمية الفساد اللي في الأرض وبمنتهى البجاحةفربنا حط الغريزة ده عشان الأرض تكون أقل إنحرافا يعني شوف الأرض فيها إيه دلوقتيتخيل بقى لو الغريزة ده كمان مش موجودة كان حصل إيه في الأرض وللناس !!فهمت الفكرة.. فالغريزة دى ربنا حطها فينا عشان يخلي الأرض أكثر رحمة للناس ببعضها وكل واحد يبقى حريص على صورتهأب خايف على صورته قدام ولاده فمش عايز يعمل المصيبة الفلانية عشان قدام ولاده.. وموظف مش عايز يرتشي عشان خايف على صورته قدام عيلته وفي الجرايد وعمال يكتم على نفسه علشان خايف على صورته.. الصورة الذهنية قدام الناس غريزة الاعتزاز بالنفس أول لحظة إهانة النفس لو أهنت نفسك أمام الناس أو أمام نفسك فجأة تسقط من عين نفسكعارف يعني إيه تسقط من عين نفسك؟ تخيل كمية التعاسة .. عرفتوا أحد أسباب تغير المود المفاجئ من سعادة وانشراح تحصل حاجة.. أهنت نفسك في حاجة.. غلطت في حاجة خلت شكلك وحش.. عملت تصرف ذليت نفسك قدام بني آدم، هو ربنا خالقنا كدة فجأة تهبط من فوق لتحت في دقيقة.. لحظة إهانة النفس عشان ربنا خالق جواك.. حاجة متركبة جوا بتنور كدة عارف المنبه لما يقعد يرن عشان يصحيك.. جواك حاجة إسمها إعتز بنفسك.. إعتز بنفسك.. إعتز بنفسك..أول ما تهين نفسك أول ما تذل نفسك ... حاجة إسمها الضمير ده متركبة فين؟ ربنا مركبها جواك ... تبدأ تزمر تعرق ويحمر وشك وعنيك تزيغ وتهبط وتقع إوعى تهين نفسكأديك أمثلة إزاي الناس بتهين نفسها ؟ مدمن المخدرات أهان نفسه.. شكله وهو بيدمن.. وشكله عشان يسرق من أمه عشان يدمن.. وشكله وهو بيعمل جريمة عشان يدمن.. وشكله بعد ما تعاطى المخدرات وتبص عليه.. منتهى الإهانة منتهى إهانة النفس الشاب اللى بيعاكس بنت فى الشارع ... واخوها مسكه ويعد يحلفله انا معملتلهاش حاجة وانا مكلمتهاش ويبقى هيعيط ياربى على منظره وعلى كمية الاهانة اللى حط نفسه فيهاعشان كده أوعوا تصدقوا اللي يضحك عليكم ويحطلك إعلان مكتوب عليه إشرب كذا واسترجل ... ده منتهى الإهانة ده عيب إنه يتحط لأنه بيهينكواحد وواحدة قعدوا يتكلموا ع الشات سنة واول ما اتفقوا يتقابلوا .... طلع جوزها وطلعت مراته ... طبيعى اطلقواعارف اطلقوا ليه !! مش عشان اخلاقها ولا اخلاقه ما الاتنين غلطوالكن عشان مبقاش عندهم الجرأة يبصوا فى عين بعض شايف الاهانة بتوصل لأيه !!ع فكرة خلي بالك مستحيل أقولك ماتغلطش بس على الأقل الحاجة المعينة اللي إنت عارف إنك بتهين نفسك فيها بقالك عشر سنين وهي سر تعاستك وإنت بتعملها عشان بتدور عن سعادتك ممكن توقفها يعني العاقل اللي يشوف هيحصل إيه نتيجة اللي أنا بعملهفممكن لو سمحت ماتهنش نفسك ممكن تقعد دلوقتي إسكت كدة لمدة ربع دقيقة واسأل نفسك إيه الحاجات اللي أنا بهين فيها نفسي وهي مصدر تعاستى وتعبى عرفتوا يا بنات عرفتوا يا شباب إمتى بينزل الأسانسير فجأة من سعادة فجأة هبوط حاد زي هبوط في الدورة الدموية من سعادة إلى فجأة حزن وهم وتعاسة وضيق ومرارة وخجل بتحصل إزاي؟ بتحصل بسبب الحكاية ديأديني حطيت إيدك على حاجة تعرف بيها إزاي بتنتقل من السعادة للتعاسة طيب ممكن آخد معاك حاجة أكتر من كدة؟ إحنا في زمن صعب إنتوا عارفين المشكلة إيه؟ إن الناس دلوقتي هانت عليهم نفسهم، وإيه يعني.. اه هاخد رشوة.. اه هعاكس بنات.. اه هعمل كذا وإيه المشكلة ربنا بيقول [ وَلَقَدْ كَرَّمْنَا بَنِي آَدَمَ...]والناس عمالة تنزل في التعاسة ليه؟ لأن في شقاء ليه؟ لأن بقى في مجاهرة عرفتوا ليه النبي بيقول (كل أمتي معافى إلا المجاهرين) مالهم المجاهرين؟ مالهمش معافاة لا في الدنيا ولا في الآخرة مالهمش معافااة، في الآخرة نار.. ومالهمش معافاة في الدنيا تعاسة وشقاء وضلال كأني عايز أقولك إيه؟ كأني عايزة أقولك الأول إوعى تهين نفسك ثانيا الستر إوعوا يا شباب ويا بنات إوعى تدخل على النت وعادي بتتكلم وبتقول وأنا عملت وأنا سويت إوعى تجاهر باهانة نفسك انا كده خلصت كلامى فى موضوع النهاردةواسفة لو كنت طولت عليكم شوية بس حبيت اوضح كل اللى اعرفه عن الموضوع دا [ندعوك للتسجيل في المنتدى أو التعريف بنفسك لمعاينة هذه الصورة]
| |
|
خلود
مشرفة عامة 
الجنس :
عدد المساهمات : 1190
الموقع : حماقى
العمل : طالبة
| | موضوع: رد: لو انت بالصورة دى ادام نفسك وغيرك يبقى لازم تقف مع نفسك بجد !!! الثلاثاء 28 سبتمبر - 2:27 | |
| | |
|
الدردشة|منتديات محمد حماقى 
