ان الأوان .

أن الأوان ان أكتب لقصتنا النهاية
والفراق يطوي أخر صفحة من الحكاية
ح أقول الوداع للكذب والخداع
يا حب ضاع وماكنش برضايا

كنت عارف أنك نقطة ضعفي
كنت بتجرح وقلبي بيعفي
لو ح تعلن حبك ولاّ ح تخفي
خلاص مابقيتش تفرق معايا
تعبت من كتر العتاب والملام
خلصت معاك كل الكلام
اتاري حبك كان أوهام
ومش فاضل منه شئ جوايا

الكلام الحلو كان كله خداع
واللي أفتكرته سحر اتاريه قناع
قلبي معاك حس بضياع
خلّتني أقول بس كفاية
ما فضلش قدامي غير البعد خيار
ولو ان دا كان أصعب قرار
علشان قلبي ما يعيش في نار
لازم تكون هي دي النهاية