اشتغالات

واحد غلبان اوي كل يوم يدخل البنك
ويقوم حاطط مليووون جنيه في حسابه
كل يوم مليون جنيه ..
وكل يوم علي كده
الموظفين استغربوا

وفي يوم من الأيام قال لهم المدير إذا جاء نادوه أكيد هو غني وهيبقي عميل
كويس ولازم نكسبه زيادة

لما جه الراجل ودخل البنك دخلوه الموظفين على المدير

قاله المدير : انت بتشتغل ايه .. ولا فين ؟

قاله:عاطل ماليش شغل

قاله المدير : امال منين بتجيب الفلوس دى؟

قال: أنا براهن الناس على اي حاجه ويكون الرهان علي مليوون جنيه وأكسب.

قاله المدير : انت كذاب احسن لك قولي الصراحه...

قال الراجل: خلاص تراهنني

إني أبوس عيني على مليون جنيه ؟

قال المدير : أراهنك ...أتحداك تعملها...

قام الراجل وفك عينه وباسها ورجعها مكانها
(عينه كانت صناعيه .. تركيب يعني)

قال الراجل :تتحدانى أعض ودنى على مليون جنيه ؟

قال المدير أراهن....

قام الراجل وطلع سنانه وعض ودنه ورجعها
(سنانه بردو تركيب)

أداه المدير 2 مليون جنيه ومشى الراجل

من الصبح لما دخل الراجل للبنك نادوه الموظفين ودخلوه على المدير

قاله المدير يابن الحلال كفايه علي كده ورجعلي فلوسي

قال الراجل: خلاص أنا بتحداك على حاجه إذا أنت فزت أديك فلوسك الـ 2

مليون ...ومعاهم زيهم ..

وإذا أنا فزت تدينى مليون جنيه

قاله المدير : ماشي تحب تراهن على أيه ؟

قال الراجل: تتحداني أن لون فانلتك الداخليه أزرق

قال المدير وهو فرحان : لا مش أزرق

قال الراجل.... لا أزرق

قال المدير... لا مش أزرق انا متأكد

قال الراجل : خلاص اشوف الفانله واتأكد

راح المدير فاكك بنطلونه.. وفاكك قميصه وراح قالع الفانله الداخليه

وموريها للراجل وقايل له : اهي .. مش قلتلك مش زرقه ؟؟؟

التفت مدير البنك لقي الموظفين قاعدين بيتفرجوا عليه

ولقي الراجل راح خد من كل واحد مليون جنيه وقال لهم :

مش قولتلكوا هاخليه يقلع هدومه