اخر معاد

في أخر معاد أنا كنت حاسه
زي ما نكون لأخر مرة بنتواعد
كنت من قلبك محتاجة همسه
تنفي أحساسي بأننا بنتباعد
لكن للأسف أحساسي أنتصر
والقلب انكسف جوايا وإنكسر
فراقنا خلاص ما عدش منه مفّر
بعد ما بقيت من حبك يأسة
في أخر معاد أنا كنت حاسه

أحلامنا ما عادتش أحلامك
بعد ما بقيت أنسان تاني
جريت بلهفة وراء أوهامك
وفاكر أنك بتتحداني
بكرة أحلامك ح تبقى سراب
وترجع من تاني تدق الباب
لكن ساعتها مش ح تلقاني

راهنت على حبك العالم بحاله
واديني أهو خسرت الرهان
قلبي كان فاكرك راسماله
أتاريك غدار ومالكش أمان
بكرة ما دام بتحب غيري
ح تقارن أكيد بينها وبيني
و ح تقول ساعتها أرجع يا زمان