للنقاش فضه حتى ولا ازاز.. ولا تعدى من غير جواز ..؟ ايه رايكو صحيح

[ندعوك للتسجيل في المنتدى أو التعريف بنفسك لمعاينة هذه الصورة]
غمّضي عينيكِ واحلمي معانا كده..

أيوه.. هو ده اليوم اللي هتموووتي وتعيشيه.. أيوه دي اللحظة اللي العريس قاعد فيها في الصالون مع بابا، وبيتفقوا على المهر والشبكة والذي منه.. وكلها كام يوم وتنزلي تشتري شبكتك.

بس تعالي كده نعترف بحاجة بسيطة.. إنك برغم كل فرحتك دي بإنك هتطيري أخيراً على بيت العدل، حاطة إيدك على قلبك وخايفة من الاتفاق على الماديات، أحسن الجوازة هي اللي تطير مش إنتِ..

سامعة عريسك بيحاول يوصّل لباباكي بخجل كده إن ظروفه ماتسمحش يجيب شبكة بالمبلغ اللي باباكي عايزه.. أخخخ!! اللي كنتِ خايفة منه حصل.. وربنا يسترررر..

لازم العريس يدفع دم قلبه قبل ما ياخد البنت عشان يُحطّها في عينيهالشبكة.. تأمين مستقبل ولّا فشخرة كدابة؟
دلوقتي تعالي معانا كده، وإنتَ برضه تعالَ معانا؛ بما إن حضرتَك اللي هتكُعّ ثمن الشبكة.. تعالوا نشوف سوا يا ترى الشبكة دي الهدف منها إيه أساساً؟ هل هي تأمين لمستقبل العروسة في عين الأهل؟ ولّا هي مجرد تظاهر وتفاخر قُدّام القرايب والمعازيم؟

تعالوا نبصّ ونطلّ ع الشباب والبنات قالوا إيه عن النقطة دي

بنات وشباب كتير شايفين الشبكة دي مجرد حاجة للتفاخر والتظاهر بالمستوى العالي والغِنى قدام الناس والمعازيم في الفرح أو الخطوبة؛ بدليل إن ناس كتير بتضطر تبيعها قبل ما تتجوز أصلاً عشان تجيب باقي العفش!

في نفس الوقت بعض الفتيات والولاد قالوا إن الشبكة مش تفاخر، لكن هي تأمين لمستقبل البنت والبيت كله؛ لأن بمجرد ما يحصل ظرف مادي بتبقى الشبكة هي المُنقذ.

لكن كان فيه آراء لبنات بتقول إن الشبكة دي تقدير للبنت، وإن لازم العريس يدفع دم قلبه قبل ما ياخد البنت عشان يُحطّها في عينيه.

وتفرّد رأي أحد الشباب مُحذّراً إن اليومين دول بقوا بيلعبوا بالبنات كتير، والشاب منهم يدخل البيت ويخطب البنت بدبلتين، واسمه بقى مرتبط بيها رسمي، ويعمل معاها اللي هو عايزه، وبعدين يخلع! علشان كده الشبكة حاجة أساسية؛ لأنه لما يدفع هيخاف على الفلوس اللي دفعها، وهيحافظ على الارتباط ده ويبقى جادّ فيه.

ترضي تكون شبكتك طاقم فضة من باب التيسير على العريس؟الشبكة فضة أو صيني علشان تمشي الجوازة يا عيني
وبعد ما لقينا الإصرار على وجود الشبكة هو الغالب على إجابات الشباب، تعالوا نشوف حلّ في موضوع الشبكة ده.. نحاول نسهّلها شوية.

لو مافيش في مقدرة عريسك يجيب شبكة من إياها.. ترضي تكون شبكتك طاقم فضة من باب التيسير على العريس والاقتصاد في المصاريف؟ ولّا تجيبي طاقم دهب صيني ماحدش يقدر يفرقه عن الدهب الحقيقي؟ وأهو تبقي عملتي الشو اللي نِفسك فيه في الفرح أو الخطوبة، وفرّجتي كل المعازيم على شبكتك "الدهب"؟!

الغالبية العظمى من البنات مش موافقة على الفضة، ومنهم اللي شايفة إن الشبكة ممكن تبقى فلوس، وممكن تبقى جنيهات دهب عشان دي قيمتها ثابتة فيها، ومافيش في تمنها المصنعية اللي بتغلّي الدهب العادي.. ومنهم اللي قالت إنها ممكن هي وأهلها يساعدوا العريس ويجيبوا شبكة كويسة، عشان تظهر بالشكل اللائق.

بعض البنات قالوا إن الشبكة الفضة حلّ كويس جداً ويرضي جميع الأطراف.. وقالت إحداهن وهي متحمسة جداً: جاء الوقت عشان المجتمع يغيّر فكره وعاداته البالية، إيه المانع إننا نتطور مع تطور العالم والظروف الاقتصادية؟ في حين برّرت فتاة أخرى حماسها للفضة بأن الشبكة هي أصلاً هدية تحتفظ بيها الزوجة من زوجها لآخر العمر؛ فإيه الفايدة إني أبيعها مع أول ظرف مادي سيئ؟ لكن الشبكة الفضة مش هتقدر تبيعها؛ لأنها عارفة إنها مش هتجيب فلوس، وبالطريقة دي هيتحقق مفهوم الشبكة.

مافيش مانع من شبكة الدهب الصيني خصوصاً إن شكله قريب جداً من الدهببالنسبة للدهب الصيني بقى؛ فالأكتر من البنات والشباب كمان شايفين إنه فلوس مرمية في الأرض وحرام.. وفيه ناس شافت إنه زيف وخداع للناس، ومبالغة في التظاهر.

ولكن بعض الشباب قالوا: إن مافيش مانع من شبكة الدهب الصيني؛ خصوصاً إن شكله قريب جداً من الدهب العادي، وتقريباً ماحدش يقدر يفرّقهم، وأضاف أحدهم: لو عروستي كانت عايزة كده هاعمله وأنا مُجبر.

وشاب آخر قال إن ممكن الدهب الصيني يكون من باب التيسير على العريس، وفي نفس الوقت العروسة ماتكسرش خاطر مامتها وقرايبها اللي نفسهم في شبكة دهب لبنتهم، والرسول صلى الله عليه وسلم قال لواحد رايح يتجوز: "التمِس ولو خاتمًا من حديد"؛ فبهذا وفّق بين عادات وتقاليد المجتمع وبين الحالة المادية للخاطب.

صراحه يعنى دا موضوع يحير وانا والله ما عت عارف ايه المعقول والمفرود يحصل

بينى وبينكوا كده انا ناوى بس لسه الوضوع فى اوله فا انا بدرس كل الجوانب عشان متعقدش بعدين

وكل سنه وانتو كويسين
Like a Star @ heaven

والله ياكيمو مواضعيك ملهاش حل تسلم ياقمر وياسكر

انا رايى طالما متفقين ولا يهم شبكة ولا مهر