مبارك احنا معاك (فوقوا يا مصريين)

مين دة اللى بيتكلم بلسانى وبلسانك مين دة اللى بيتكلم بأسمى واسمك مين دة اللى قال ان مبارك يرحل مين قال ان مبارك يرحل
مين اللى يخلى اخ يضرب اخوة مين دة اللى قال ان ابن يشتم ابوة مين اللى قال ان مصر خلاص وقعت مين اللى قال ان 80مليون مصرى مش عايز ابوة (الريس) مين دة اللى خان العيش والملح مين دة اللى خرب وهرب ووضع الخوف فى قلب امك وامى ابوك وابويا اخوك واخويا اختك واختى مين دة اللى عايز مصر تكون فرجة لكل العرب من امتى كان العرب بيحبوا المصريين من امتى العرب كان قلبهم علينا كلنا خلاص لازم نفوق دة الخطر قرب علينا
يا اخويا واختى كونوا يد واحدة يلا بينا نكون مصرين يلا بينا ما خلاص كل اللى احنا عايزينوا اتحقق خلاص حنختار بس لازم ننهى الاستهتار
طب اخويا حبيبى يالى شايف انك على حق رد عليا دلوقتى وقول ولازك تكون على حق
مين اللى انت اتحميت فية ؟
مين اللى وفرك الامان لمدة 30 عام ؟
مين اللى حرررك من الاستعباد ؟
مين اللى كان بيشاركك فى فرحك ؟
طب حنقول خلاص مش قادرين خلاص عايزين التغير طب ما خلاص حنغير طب ما خلاص حنغير
طب انت فرحان وابوك وامك واختك واخوك فى البيت خايفين ؟
طب اسمع نداء قلبك وقول لمين حنكون ؟
يا فرحة امريكااااا يا فرحة الام الكبيرة وهى معروفة!!!!
يا مصرين خلاص مطالبنا اتحققت يلا بينا نحط ايدينا فى ايدين بعض ونقول سامحنى يا ابويا انا غلطان فى حقك بس الوضع مكنش يصبر
لو كان دة خاين كان سابك تغرق لوحدك وهرب زى الباقين لألألألأ دة عايز يحافظ عليك وعلينا وعلى كل المصرين
يا شباب ميدان التحرير يلا بينا نصلى وندعى ربنا ونقول الحمد لله على التغير
يا قبطى ويا مسلم يا شيخ ويا قديس يلا بينا ندعى ونقول الحمد لله على التغير
وتحط ايدك فى ايدى ةنقهر كل المنتظرين ان مصر تكون ملطش لكل دخيل
(يامبارك اوعى تكون فاكر ان دول ال80 مليون يا مبارك دة انت ابونا واللى يخونك يبقى خان كل المصرين )وكما قلت (ان الوطن يعيش فينا وليس وطن نعيش فية) وكما قلت (ان الافراد زائلون والوطن هو اللى باقى )
وحسبى الله ونعم الوكيل على كل متظاهر دخيل

مع احترامى لرايك الجميييييييل رودى ورغم ايقانى بان مباااااارك لعب دورا عظيما فى حرب اكتوبر ومع اعتزازى بدوووووره العظيييييييييييم فى ارجاع العلاقات بيننا وبين دووووول عربية كثييييييييرة الا اننا نعرف ان مبارك قد اخطا وهو الان يجنى ثمار ما اقترفته يداه 30 عام...........كلنا بنحترم مبارك وكلنا بنحبه وكلنا صعب علينا نشووووووفه فى موقفه ده بس خلاص الشعب اللى سكت كتييييييييير فاض بيه ومبقاش عنده استعداد يسمع وعود حفظها من كتر ما اتكررت.... هم طالبوه بكل احترام وادب بمطالبهم وليهم كل الحق فيها وهو نفسه اقر بده.......
مصر فيها مشكلات كتيييييير روووووووودى ودى الحقيقة ...مصر فيها بطالة ...فيها ظلم للشعب والشباب اللى مكنش لاقى حد يسمعله ....فيها ناس عايشين تحت مستوى الصفر تقريبا وناس تانييييية بتنهب فى موارد البلد والريس عااااااارف وساكت .....وكلنا عارفييييييين وبرضه ساكتيييييييين


الشباب دوووووووووول لما طلبوا اتكلموا باحترام تشهد بيه كل دووووول العالم انضربوا واتقتلوا ومات منهم اكتر من 300 ياترى دوووووول يارودى مش مصريييييييييين دمهم مش غالى عليييييينا ...ما يصعبش علينا نشوووووف شباب فى مقتبل العمر بيضيع عمره وينتهى عشان طالب بحقه انه يعيش كريم ....ما يصعبش علينا نشوووووووف اهالى الشباب دول وحزنهم وانكسارهم بعد مقتل اولادهم.......
انا معاااااااكى انه حصل فوضى كتييييير بس مش لازم نلوووووم الشباب دووووول لانهم طالبوا بحقوقنا الضااااااايعة بالعكس لازم نفخر بشبابنا لان هم دوووول ولاد مصر.....خلينا نلووووووم الاب اللى اولاده استنوا منه انه يحس بيهم ويامن لهم حياة ومستقبل ولاودهم كمان وللاسف محصلش ..... خلينا نلوووم الاب اللى اتنى اولاده انه يرد يرفع عنهم ظلم نظامه ولمدة 30 سنة مستنييييييييييين رده......


خلينا نلووووووم القيادات التى حاولت اخراس السنة الشباب دى وجعلت الشرطة تقتل فيهم لمجرد انهم قالوا لا .....خلينا نلووووووم على القيادات التى منعت الاتصالات والنت عن دووولة عظيمة مثل مصر لتقيدها وتخفض صوتها .....خلينا نلووووم على من يسمون انفسهم انصار لمبارك وهم يذهبون الى ميدان التحرير على احصنة وجمال ويقذفون اخوتهم بالقنابل المسيلة للدموع فمن اين اتوا بها؟؟؟ومن اين اتوا بالقنابل المحرقة التى القوها على اخواتهم المتظاهرييييين المجردييييين من اى اسلحة ؟؟
من امر قوات الشرطة باستخدام العنف ضد المتظاهرييييييين العزل ؟؟؟ ولماذا فرت قوات الشرطة فى نفس الوقت الذى اخرج فيه كل المجرميييييين من السجووووون؟ ا
تساؤلات عديييييييييييييييييييييدة ولكنى اعتقد ان المتظاهريييييين العزل لم يكوووونوا ورائها ......

اولا شكرا ليكى جدا على المرور وطبعا انا محترمة رايك جدا
حسألك سؤال لما تحسى ان ابنك وانتى بتحمية ضربك وهانك طلب انك ما تدخليش فى حياتة حيبقى رد فعلك اية؟
انا مش بقول ان الشرطة مش غلطانة لألألأل غلطانة غلط كبير والله غلط كبير
والريس كمان غلطان بعد عنا وصدر لنا شوية حاشية يتحكموا فى كل المصريين والله انا عارفة
بس خلاص النداء وصل واللى كان نايم خلاص فااااق كل حاجة احنا عايزنها اتحققت ما فيش حاجة حتتغير فى يوم وليلة دة انتى لما تبقى عايزة تغير ديكور الشقة بتاعتك بتاخد شهور كتير
فما بالك تغير حكومة كاملة حياخد قد اية خلاص الصوت وصل والمطالب اتحققت والمصرى اللى طلع يوم 25 سجد بعد خطاب الريس وحمد ربنا وروح على البيت طب اللى كان واقف فى ميدان التحرير كان عايز اية ؟
ومين المهندس الاسرائيلى اللى قبضوا علية مين المجموعة اللى تم القبض عليهم وسط المصرين اللى جنسيتة من اثيوبيا ومن دول كتير ؟
مع احترامى ليكى وارايك ممكن تقوليلى
مين اللى وفر للشباب اللى فى التحرير الخيم دى واللى وفرلهم الطعام اية دلوقتى ظهرت الفلوس ؟
مش كنا من دلوقتى بنعانى من البطالة ؟؟؟؟؟!!!!!!!!لألألأ كفاية ولا انتى شايفة اية ؟؟
وفى الاخر حسبى الله ونعم الوكيل على كل متظاهر دخيل
وشكرا ليكى على المرور

بصى يارووووودى انا اكيييييييييييد صعبااان عليا اووووووووووى اللى بيحصل فى مصر ده ..صعبان علييييييييا ان المصريييييين

هم اللى بيضربوا ويحاربوا فى بعض ....نفسى اووووووووى ترجع بلدى زى ما كانت امان مرة تانييييييييية ويرجع

المصريييييييين يحسوا ببعض زى ما كانوا

بس لازم عشان نفووق زى ما بتقولى نعرف مين الغلط وميييييين الصح ....الرئيس غلط ولو ساب الحكم دلوقتى هيتحاسب

على البلد دى اللى سابها لناس ما يستاهلوووش ينهبوا فيها ويذلوا ولادها ...هيتحاسب على الشهداء اللى اتقتلوا عشان

طالبوا بحقهم فى عيشة كريمة ....

بس لو انا هتكلم عن رايى الشخصى فانا شايفة اننا فعلا فوقنا لما طالبنا بحقوقنا واتحقق جزء منها وانا مع ان ننتظر مرور الفترة

المتبقييييييية للرئيس لان تاريخ بلدنا هتكووون وصمة عار فيه خروج رئيس مصرى بالمنظر

المهيييييييييييييين ده .......

بس فى ناس خلاص مش قابلة منه ومن نظامه اى كلام وفاقدين الثقة فيييه

خلاص معندهمش استعداد يستنوا تانى ....يبقى ايييييييه الحل فى وجهة نظرك نسيبهم كده واقفيييين فى الميييدان

ونزود شهدائنا اكتر ونستنى عدد الضحايا بالالوفات

مصر عظيمة يارودى وعمرها ما وقفت ولا وقعت ولا هتقف على واحد وعشاااان كده انا قلتلك انه لو بيحب الناس دى

فعلا وخايف على البلد دى يرحمها من تيار الدم اللى مش عايز يبطل

وبعدييييييييييييييين ياروودى الشباب اللى فى التحرييييييير دوووووول مش كلهم عشوائياااات زى ما القنواااات بتاعتنا

بتصووووووورلنا .....ومعتقدش ان الطعام ولا الخيم صعب ان حد يجيبه ياروودى انتى بتكلمة فى حسبة كام يعنى ...لو

هيلموا من بعض وكل واحد يدفع جزء كله هياكل ......لو هتتكلمى اتكلمى على قنابل مبتبقاش فى مقدور اى حد عادى

من الشعب انه يجيبها

عموما ميرسى عالموضوع وبانتظااااااااااااااااار جديييييييييييييييييييييييييييدك

شكرا ليكى يا قمر على المرور وادى الشباب حقق كل اللى بيتمناااااااااااة مبروك عليكم النجااااااااح ويارب اللى جاى يكون اجمل ان شاااء الله