عاوزة تتجوزى... اوعى احسن لك (اللهم بلغت .. اللهم فاشهد)!!!

ازيكم يا بناات ويا شباب بردو مايضرش ..

[ندعوك للتسجيل في المنتدى أو التعريف بنفسك لمعاينة هذه الصورة]

ايه مالك ؟ اتخضيتي من العنوان .... هتموتي وتتجوزي صح ؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]

متخفيش هتتجوزي يختي ده شر لابد منه .....لكن انتي في نعمة ومش حاسة بيها عارفة ليه ؟؟ هقولك ..

انتي دلوقتي عايشة حياتك اخر روقان ودلع وعدم ارتباطك له عشر فوايد مش هتحسي بقيمتهم غير وانتي جوا القفص ....
((( 1 )))

مش هتكوني مضطرةانك تستحملي شخصية واحد مختلف تماما عن شخصيتك ... ده غير بقي انه طول الوقت

هيفضل يشخط وينطر قال يعني عامل فيها عنتر وينفعل عليكي بدون داعي ...

((( 2 )))

تاكلي براحتك وبمزاجك الاكل اللي يجي علي بالك من غير ما تقلقي ان كان وزنك هيزيد ولا لاءده غير انك هترتاحي

من تعليقاته السخيفة والبايخة ومش هيبقي وراه شغلانة غير التريقة عليكي وانتي رايحة وجاية ادامو هيقولك يا تخينة

يا فجعانة .. حتي اللقمة باصص فيها ..

((( 3 )))

حياتك دلوقتي عاملة ازاي ..؟؟ بتقومي وقت ما انتي عاوزة وتنامي وقت ماانتي عاوزة , تقعدي علي الكمبيوتر ..

تتفرجي علي التلفزيون ... تخرجي مع صحباتك .. يعني عايشة حياتك بالطول والعرض اخر روقان

لكن بعد الجواز انسي كل ده هتلاقيه واقفلك زي الحيطة ويقولك انتي رايحة فين ؟؟ كنتي فين يا هانم ..؟ بتكلمي مين ؟؟

هيكون مين يعني ... ده غير انه ممكن يحلف عليكي لو طلعتله الزربونة بالطلاق انك متروحيش لمامتك وهو داير متسرمح

في كل حتة شوية ... اووووووووووووف حاجة تخنق

((( 4 )))

شنطتك فيها فلوس صح ؟؟دي فلوسك انتي لوحدك ...تجيبي بيها اللي نفسك فيه كله صباع روج او ازازة برفان
يعني هتجيبي اللي انتي عاوزاه من غير ما حد يدخل في مشترياتك .. لكن بعد الجواز لو جيبتي حاجة من نفسك
هيفضل يقولك وده لازمته ايه ؟ ايه الحاجات التافهة اللي انتي جبتيها دي ؟ مش البيت اولي ؟؟كفاية بعزقة ولمي ايدك ..
اما هو بقي يروح يصرف علي مزاجه وعلي سجايره ولو قلتيله حرام عليك هيقولك هو انا اللي بشتغل ولا انتي ...

((( 5 )))

متعودة انك تقضي يوم معين في الاسبوع في اي مكان بتحبيه ؟ او متعودة انك تزوري صحبتك الانتيم ؟؟
او متعودة انك تروحي رحلات مع صحباتك ؟؟؟بتعملي كدة دلوقتي صح ؟؟
هيصي يا بنتي وافرحي ده انتي في نعمة ... شوفي بقي لو اتجوزتي كل ده هيكون احلام وزكريات جميلة وهيكون
ممنوع والغاء من حياتك تماما

((( 6 )))

عندك هواية معينة بتعمليها صح ؟ زي اشتراكك في المنتديات او كتابة الشعر او القرايا
كل ده قوليله باي باي بعد الجواز هيموت يا روحي بعد جوازك انسيه تماما هواياتك الجديدة هتكون ليها شكل تاني خالص
هتكون في هواية الغسيل ونشره طبعا ...وهواية رضاعة الواد اللي عمال يوأوأ ... والبيه جوزك منفضلو وعامل نفسه مش سامع ... ده غير هواية خياطة قميصه وتركيب زرايرو الواقعة علي طول وياريته بيطمر ( رجالة عاوزة الحرق )

((( 7 )))

بتتكلمى وتقولى رأيك فى كل شىء صح؟وفى اى مكان ومع اى حد ومن غير خوف وقلق صح؟
لا يا ماما لااااااااااا انسى كل دة نهائى بعد الجواز كل كلمة منك هتطلع بحساب وهيكون ليها حساب(
انت لية بتقولي كدة ؟) ما تعدلى لسانك ؟انتى ازاى تسمحى لنفسك تقولى الكلمة دى,,,, يعني مش هتخلصى من زنو وأرفو

((( 8 )))

انتى بتشتغلى؟اشتغلى اى شغلانة تحبيها وفى اى مكان تختارية لكن بعد الجواز شغلك هو جوزك اللى هيقرفك فى حياتك
بطلباتة اللى مش بيخلصو

((( 9 )))

بتحبى محمد حماقى؟بتحبى راغب علامة؟ومغرمة بعيون توم كروز؟ حبى واعجبى بأى راجل انتى عايزاة وبحلقى فى دة ودة ...مين أدك براحتك بقى.. لكن مثلا لو حبيتى تقولى رأيك في مطرب او ممثل امور وشيك هيقولك ايه المياصة دي
حماقي ايه وكروز ايه ؟؟بتحبيهم علي ايه دول ؟؟ بيقولك كدة علي اساس ان حضرته عمر الشريف وانتي مش واخدة بالك
وهو بقي يبحلق لنانسي وهيفا ويتنح ادام كليبتاهم وصورهم .. رجالة متملاش عنيها الا التراب ...

((( 10 )))

واخيرا اهم حاجة عندك ايه وبتهتمي بيها ايه دلوقتي ؟؟؟
اكيد جمالك ورشاقتك جسمك رشيق ومتناسق صح ؟ مفهوش كرش ولا دهون ؟ وبتلبسي اللي انتي عاوزاه واصغر المقاسات
ده دلوقتي بس .. لكن بعد الجواز هتلبسي اكس اكس اكس اكس لارج
وفي الاخر هيعيب عليكي ويقولك روحي شوفي البنات اللي في بيطلعو في الكليبات عاملين ازاي ... وهو اساسا بيكون
كرشو ادامو شبرين زي مايكون بالع كورة ولا بطيخة

شفتي بقي اقتنعتي ولا لسة ؟؟؟؟؟

نصيحة اى بنت مخطوبة تفركش الخطوبة بسرعة

معلش طولت عليكم لكن كله لمصلحتكم يا بنات

هههههههههههههههه هزار

هههههههههههههههههههههههههههههههههه
واالله يا كيمو انتا زي العسسسسسسسل فعلا كل ده بعد الجواز
بيحصل يعني ال هتتجوز تقول علي نفسها يا رحمن يا رحيم
وربنا يستر تسسسسلم ايدك ياااااااا قمرررررررررر

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههه

يالهووووووووووووووووى على ايه ده كله......مانا عايشة ملكة زمااااااااااانى

عموما انا شكلى كده بعد اللى قريته هكون اووووووول واحدة تعمل بنصايحك

وهكتب على بيتناااااااااااااااااااا ممنوووووووووووووع الاقتراااااااااااب هههههههههههههه

ههههههههههههه
حلوة
ماقلتش غير الحقيقة والله
خلاص انا بطلت اتجوز
ههههههههههههه
تسلم ايدك ياقمرررررررررررر

[ندعوك للتسجيل في المنتدى أو التعريف بنفسك لمعاينة هذه الصورة]
رررررر

ههههههههههههههههههه
فعلا كلام في الصميم بس ازاي عرفت الكلام دا كله وانت مش متجوز تصدق حسيتك عايش معايا
بس تعمل ايه في الادبست واتجوزت
تعرف ايه احلى وقت للمتزوجه لما يخرج جوزها
يبقا البت جنه
التلفزيون والنت
بس اللي في حلاتي محبوس بفضل مستنيا لما يروح الشغل علشان اعيش الكم ساعه دي
قبل ماندفن لما يجي
بجد كل يوم بحس انك رائع
بس ياريت زي منصحت البنات
تبين حلاوه الجواز

خلاص ياكيمو ارتحت للازمة الي انت عملتها اهي البنات هتعنس بسببك
متسمعوش كلامو يابنات انتو لو بطلتو تتجوزو هننقرض
وبطلو تسمعوا كلامو
ولو انو حقيقي
هههههههههههههه
بس بجد تسلم ايدك ياكيمو
عن جد دمك سكر

» انا عضوة جديدة عاوزة ترحيب الرجاء الدخول
» اوعى تفتكرى
» اوعى تكون احمد
» البنت احسن ولا الولد
» احسن ماركات المكياج