جربت تكتب بالدموع ؟

بكتب حكايتى بالدموع..
بسحبها من بين الضلوع..
وكل كلمه كتبتها..
تنشف.. قوام أرجعلها..
أعيدها مره ومرتين..
يعنى القلم نفسو حزين..
بيحسها بنفس الانين..
وأنا بكتب بدموع العين..

فى ناس بتجرح جسمها..
تسحب نقط من دمها..
تكتب حروف من أسمها..
برهان لحب بعضها..
أنا دمى جمدته ف عروقى..بعد ماكان بيغلى منك..
بعد ماانت قتلت شوقى..مش بيجرى بعد منك..
مابقاش فاضلى غير دموع..
منها بقيت أشبع وأجوع..
أتسلى بيها ف الليالى..
سهران وبحلم بالرجوع..

وبحسها..نازله على خد أتظلم..
بحسها..نارها بتحرق م الالم..
وبحبها..عشان دى فاضله من العدم..

بطلت أأقول كلمه بحبك..خليها حبيتك..
خليها فعل ماضى..خلاص أنا نسيتك..

وصلتنى بالقسوه لدموعى الكتيره..
مابتتمسحش من عينيه كل ليله..
أكتب ..تغرق الحروف..
سيل ومش عارف أشوف..
أعرف اللى حروفه دموع..
بيكون متألم موجوع..
من نارى بكتب بالدموع..
جربت تكتب بالدموع؟

ياااااااااة تسلم ايدك على الكلمات التحفة دى بجد تحفة

[ندعوك للتسجيل في المنتدى أو التعريف بنفسك لمعاينة هذه الصورة]

شكله قلبك موجوع
لكن صدقيني مفيش حد يستاهل منك هذي الدموع
لو كان هو الي اختار يبعد من غير رجوع
مرسي ليكي ياقمر

ميرسى يا امل

» هل جربت متعة الخلوة مع الله عزوجل
» طفله تكتب رسايل الي الله
» كيف تكتب اسمك بالدم.. شي غريب
» حكمه تكتب بماء الذهب
» تكتب ايهــ في إيــد حبيبكــ لو سمحلكــ بالكتابهــ ؟؟