محام كويتى يتطوع للدفاع عن مبارك وأسرته

[ندعوك للتسجيل في المنتدى أو التعريف بنفسك لمعاينة هذه الصورة]

الرئيس السابق حسنى مبارك

أعلن محامى كويتى استعداده للدفاع عن الرئيس السابق حسنى مبارك وأسرته أمام القضاء المصرى، مؤكداً أن ذلك نابع من سعيه لرد جميل مبارك لموقفه أثناء الغزو العراقى للكويت.

وقال المحامى فيصل محمد العتيبى لصحيفة النهار الكويتية، "إننى مقتنع ببراءة مبارك وعائلته من الاتهامات المسندة إليهم وهو ما دعانى إلى التطوع للدفاع عنه".

وأضاف العتيبى "أن الرئيس مبارك له دور مهم ومواقف مع جميع الدول العربية ولابد من الدفاع عنه، لأن هذا حقه كمواطن مصرى، حيث إن المتهم برىء حتى تثبت إدانته، ومبارك حتى الآن لم يصدر ضده أى حكم، ومن حقه أن يكون هناك دفاع عنه"، مشيرا إلى أن الثورة لم تأتِ من أجل وأد الديمقراطية أو دهس حقوق الإنسان، وإنما من أجل توافر ضمانات المحاكمة العادلة له، التى تقرها الدساتير المحلية والدولية.

وأوضح المحامى الكويتى أنه على استعداد للذهاب إلى مصر فور وصوله قبول الرئيس السابق حسنى مبارك للدفاع عنه.

كل الاحترام ليك يامبارك براءة إن شاء الله المنوفية بتحبك يارئيس

عمره ما هيطلع برئ على الاقل فى عيون كل المصريين حتى لو القضاء طلعه برئ كفاية انه قتل المتظاهرين سيبك من الفساد اللى عيشنا فيه دة حاجة تانية يمكن يقدر يزيف فى الاوراق والمستندات لكن دم الشهداء اللى ادى امر مباشر لكلابه انه يقتلهم عمره ما هيقدر يزيفه ولا يهرب منه عشان بقت وصمة عار فى تاريخه وهنشوف فيه يوم وكل اللى بيدافعه عنه هيعرفوا انهم بيدافعوا عن ظالم عاش عميل للامريكان واسرائيل وانتهى مجرم

على فكرة يا خليك معا يا إن الشرطة لن تقتول المتظاهرين ولكن الاخوان المسلمين هم الذين قتلو المتظاهرين فى الميدان التحرير وسرقو لبس الشرطة ولبس الجيش على شان توقع الشعب فى الجيش وكلنا عرفين إن الرئيس مبارك برى كيفاية أنه عمل متروالانفاق وكمان شرم الشخ لى الناس عيزة تردو منا مشروع إبنى باتك و6أكتوبر وكمان مخدلش مصر فى اى حروب
وظلت المنوفية خلال 40عام تحكوم مصر من إنور السادات ومحمدحسنى مبارك من أهم الموحفظات فى مصر وكمان فى الرشرق الاوسط
بجد شعب اصيل وجدع يا كويت مش زى الفراعنة اللى ذلوا محمد نجيب وسمو عبد الناصر وقتلوا السادات وسجنوا مبارك ايييييييييييييييييه حد نفسه يحكم مصر تانى
وشكرآآآآآآآآآآ على المور يا مجنونة حماقثى

يا استاذ زايد على فكرة هو اللى ادى اوامر مباشرة لحبيب العادلى القذر انه يبلغ قوات الشرطة بضرب المتظاهرين لاْن الاخوان مش فى مصلحتهم انه يوقعوا الشعب فى الجيش الاخوان كانوا من اول المتضررين من حكم مبارك وكانوا من الايادى اللى نجحت الثورة ووقعت كرسى مبارك ولما لقى العيال متمسكين بمطالبهم ورط نفسه فى موقعة الجمل وطلع الناس من السجون اللى هما البلطجية عشان يعمل رعب للناس ودة اللى بيعمله لحد دلوقتى اللى بنسميه الثورة المضادة والحاجة التانية
انت بتقول انه عمل مترو الانفاق اللى عمل اكتر من حادثة وعمل شرم الشيخ من سياسة الخصخصة وبيع اراضى الدولة لرجال الاعمال النصابين اللى يعملوا قرى سياحيه ومنتجعات من دم وقوت الناس الغلابة شرم الشيخ اللى بتدخل عملة صعبة تخش فى جيبه هو ومشروع ابنى بيتك اللى يديلك قطعة ارض لازم تبنيها فى خلال سنة ما عملتش كدة التلاتين باكو اللى انت دفعتهم يرورحوا لمين بقى هم يا جمل لاْحمد عز الحرامى عشان يقسم معاه طب ما تقول عمل ايه فى مشروع توشكى اللى فلوسه عمالة تتنهب وارضه عمالة تتباع وتتقسم لرجال اعمال زى الوليد ابن طلال اللى خد لوحده 120 الف فدان بتمن ما يغطيش نص التمن الحقيقى وفين سينا اللى من ساعة ما اخدها وهى صحرا والبدو هما اللى بيحكموها كاْنها دولة لوحدها وهو فين من الشباب عملى وعملك انت ايه بقى لقيت وظيفة من غير وسطة ورشوة ومحسوبية لقيت اسكان كويس عندك الاسعار تقدر تعيش بيها فى زمن زى اللى احنا فيه دة كلت اكل من غير ما يكون مروى بمية مجارى والدك والدى وجدك وجدى صرفوا معاشاتهم بسهولة لقيوا معاشاتهم من اصله عمرك حلمت حلم ما كانش مرتبط بالفلوس والمادة رغيف العيش اللى انت بتاكله ما لقيتش فى مرة طوب وزلط ومسامير لانه مخبوز بقمح درجة سادسة عندك انتاج وحجم صادرات
دة بقى بالنسبة للانجازات واضح ان فيه رفاهية جامدة جدا والريس كان مشخلعنا ومدلعنا

تعالى بقى لحكاية الحروب هاتلى مصحف واحلفلى علية يمين ربنا ان فى مصرى بيتعامل معاملة حلوة فى اى دول عربية ليه لاْنه كان ممشينا بسياسة كله ماشى مع امريكا واسرائيل مصطفى الفقى قال كلمة حلوة اوى قالك فى سياسة تجعل الدول تبصلك بحب من غير احترام وفى سياسة بتجعل الدول تبصلك باْحترام من غير حب واحنا كنا فى السياسة الاولى دى ما كنوش بيحترموك كانوا مخليين مصر اليويو بتاعهم روح يمين حاضر تعالى شمال من عينيا ادى السبب اللى مدخلناش حروب وهو السبب

دة 30 سنة سياسة فاشلة بطالة وامراض بشعة و20 مليون اسرة تحت خط الفقر وناس عايشة فى العشوائيات وعاملين السقف بصفيح وانت جاى تقولى شرم الشيخ و6 اكتوبر فين حق الناس اللى مش لاقية اللقمة تاكل حتى انت بتكلمنى فى طبقة رجال الاعمال والناس اللى بتروح تمنجه نفسها طب الناس الفقرا فين من كل دة ما هو لو مراعى حقوقهم كانوا هما اللى هيقعدوه فى الحكم مش هيثوروا عليهوانت تقولى عمل انجازات زى مترو الانفاق وشرم الشيخ لو رجل اعمال مسك مشروع واحد فيهم هيعملوا فى سنتين تلاتة مش مص دم بقالوا 30 سنة تقولى بيعمل اصلاح دة انا خالتى اسمها اصلاح اصلاح مين انت بتدافع عن واحد مذنب فى حق نفسه قبل ما يذنب فى حق الاخرين انا بكرهه الراجل دة ودمى بيتحرق لما بلاقى ناس بتدافع عنه زى ما يكون كانوا قاعدين فى بلد غير مصر وكان بيحكمهم هما شوية واحنا شوية