اشعار كوميدية يارب تعجبكم ههههههههه

[ندعوك للتسجيل في المنتدى أو التعريف بنفسك لمعاينة هذه الصورة]
هاى عليكم بناء على طلب اجمل ايمى فى الدنيا انا كاتب كذا حاجة كدة هحطهم فى موضوع واحد هنا يارب تعجبكم

[ندعوك للتسجيل في المنتدى أو التعريف بنفسك لمعاينة هذه الصورة]

حبيبتى
يا شمع لاسع فى الدماغ
والعشرة منك بقرش ساغ
عقلك دة عشة معمولة بباغ
بتربى فيه بط وفراخ
قربت منك خلاص اطق
حطيت ايديا كمان فى الشق
سنين معاكى قضيتها زق
ومن عمايلك قلبى داخ
لو كنتى عارجة ولا عورة
اهون ما تبقى يا شيخة متيورة
والناس بتلعب بيكى الكورة
دة انتى اللى زيك يجيب الداغ
حاولت اخلص منك كتير
واحطلك فى العيش مسامير
تقوليلى شوف قلة الضمير
خابزين العيش من غير تركيز
يا صداع بيشرخ فى النافوخ
يخلى العقل تملى يدوخ
نفسى احطك فى قلب صاروخ
او حتى ابيعك فى سوق المعيز

[ندعوك للتسجيل في المنتدى أو التعريف بنفسك لمعاينة هذه الصورة]
من اولها

من اولها بتعملى مشغولة
دى عمايل ناس لسة فى سنة اولى
وعموما يلا خلاص مقبولة
حركات فيها مات الكلام
عن حقى معاكى مش هتنازل
ليكى واحدة وقولى لقلبك قابل
دى الدنيا صغيرة وهنتقابل
ومفيش اسرع من الايام
فاكرة زمان كان بس نفسك
لو من قدامى تعدى واعاكسك
شايفة لية دلوقتى نفسك
كدة واتغيرتى
عاملة فيها نانسى عجرم
طب على بقى الله يرحم
دة انتى وقعتى فى واد متجرم
مش كيك ونايتى
ما بقاش ليكى عندى قيمة وعازة
لو حتى هتتشقلبى فى ازازة
انا منك خدت يا ماما اجازة
يلا وعالمركب اللى تروح
غيرك فى الف بيتمنونى
لو اشاور بس قوام هيجونى
انا همسح رقمك من تليفونى
الهاتف المطلوب غير مسموح

[ندعوك للتسجيل في المنتدى أو التعريف بنفسك لمعاينة هذه الصورة]

مفيش وظيفة

متخرج من ايام النكسة
وبدور على شغلانة وفرصة
وانا زى كتير مش لاقى لسة
شغلانة حتى على المقسوم
كل اللى انا طالبه بجد وظيفة
حلوة ومريحة بس شريفة
اتخرجت وفى ايديا ليفة
وصابونة كبيرة وقت اللزوم
جرب ادخل اى حتة
ومش فى جيوبى كارت واسطة
يقابلنى الرد المثالى تعالانى بكرة
جرانين مرشوشة وظايف خالية
وحوافز ايه ورواتب عالية
واجمل من كدة بقى ما تلاقيش
علطول اقوم لابس واتشيك
مش طايق حد يقولى ازيك
وارجع وقفايا بيقمر عيش
[ندعوك للتسجيل في المنتدى أو التعريف بنفسك لمعاينة هذه الصورة]
زنوبة

زنوبة خبطتها طوبة
قامت على وشها مقلوبة
جريت تستنجد باخواتها
ياخدوا بتارها من اللى خبطها
قالولها روحى مضروبة مضروبة
راحت قال تشتكى للعمدة
قام قالها مش ناقص خوتة
اذا كانوا اخواتك جرحوكى
وكانوا عليكى قلوبهم باردة
جاية عشان تتحامى فى عرضى
واضرب ناس عايشين على ارضى
هو انتى دماغك مخروبة
ومن وقتها واهى عايشة حياتها
متهانة ومش واخدة راحتها
ولا برة ولا حتى فى بيتها
وصبحت على امرها مغلوبة
وزنوبة خبطتها طوبة

[ندعوك للتسجيل في المنتدى أو التعريف بنفسك لمعاينة هذه الصورة]
يارب تكون حاذت على الاعجاب وقولولى ايه راْيكم عشان لو وحشين مش هكرر اكتب النوع دة تانى
هههههههههههههههههههههه

ربنا يخليكى يا ايمى انا حطيهم والله بناء على رغبتك انتى والحمد لله انهم عجبوكى وعلى فكرة انا كاتبهم من زمان بس كنت مستهتر بيهم بصراحة اكمنى مش بكتب النوعية دى كتير
ههههههههههههههههههههههههه
وبالنسبة لزنوبة دى غلبانة واحد استتخن دراعه عليها واستضعفها فخبطها بطوبة وهى مفكرة ان وراها ضهر تتسند عليه اتاريها منها للهوا
ههههههههههههههههههههههههههههههههه

ميرو ورودى منورين يا برنسيسات بس والله فرحان انكم دخلتوا الموضوع وفرحان اكتر عشان عجبكم وانشاء الله اقدملكم كل شيئ يحوذ على اعجابكم
وميرسى على مروركم الرائع دة
بس ليا سؤال ايه اكتر وحدة فيهم لفتت نظركوا ؟

إزيك يابرنس منووووووووووووو بجد
وحشنى جدآآآآآآآآآ منوررر

جميلة جدآآآآآآآآآآآآآآآآآآآآآآآآآآآ يا هانى تسلم إيدك بجد
إستمر فى الشعر الجميل ده

ربنا يخليك يا زايد باشا ودة بس من زوقك وباْذن الله اقدر دايما اقدم كل شيئ يحوذ على اعجاب جميع الاعضاء

شهد اكيد طبعا راءيك يحترم وانا والله بحاول ارضى جميع الازواق لانى عارف ان شهد بتحب الررومانسية ايمى بتحب الكوميدى حد تانى بيحب الدراما فاهمانى فهى حكاية ازواق وانا فاهم وجهة نظرك طبعا وبحترمها جدا وهحاول اعمل اللى يتناسب مع زوقك برضو لاءن دة حقك عليا طبعا
ونورتى يا عسولة

مجنونة حماقى وبسمة ومحمد حماقى ميرسى ليكم اوى ووحشتونى بجد وسورى عالفتة اللى فاتت دى واْلمنى جدا الخبر اللى سمعته عن حماقى وانشاء الله يرجع لمحبينه ويمتعنا باْحمل ما عنده