يوميات جواز هند وكيوبيد الحلقه التانيه

[ندعوك للتسجيل في المنتدى أو التعريف بنفسك لمعاينة هذه الصورة]
(طبعا عارفين ان الحسناء هند على وش شبكة وعاملة عروسة بقى )

اوضة
هند ........النور مطفى وعبد الحليم بيغنى جانا الهوا جانا و هند قاعدة
هيمانة وماسكة الموبيل يمكن عريس الغفلة يتصل بس ده برضه مايهزش فى هند
الجبارة شعرة

هند :مااااااااااماااااااااا

الام:ايه يا بت رعبتينى ربنا ينتقم منك

هند :هو زعيم التتار مش ناوى يلبس دبل ويشبكنى رسمى بقى ولا هيفضل داخل خارج عليناكده زى الدبانة

الام:هههههههههه يقطعك يا موكوسة اوام هتموتى على الواد مش ده اللى كان كوخة وريحته زيت قلية

هند :لالالالا انتى دماغك راحت فين يا ام هند انا بس عاوزة ارتاح منكم مش حبا فى المنيل كيوبيد ده

(بتحاول تدارى مشاعرها ناحيته احسن تبان ضعيفة ولا حاجة اصلها مفترية شوية )

الام:خلاص اهمدى بقى هو اتفق مع ابوكى يلبسك الشبكة يوم الجمعة الجاية على الضيق كده

هند :يومه اسود زى كف ايده سى كيوبيد المزحلق بتاع بنزين ورا يا اسطى

بقى انا اتشبك على الضيق وكمان من غير ما اختار شبكتى......عن اذنك يا ماما انا هتصرف

الام:ربنا يستر عليك يا بنى وتطلع سليم من تحت ايدها

تررررن تررررررررن
(هند ضحت برصيد الموبيل وطلبته )

كيوبيد يفتح عليها) أفتح الكابوت يا ابن المتضايقة وشوف الزبون وريحه

هند : نعم يا اخويا
كيوبيد:الوووو لا يا شكمان قلبى مش انتا يا جميل

هند:احترم نفسك يا موتور احلامى
كيوبيد:ههههههههه والله عسل يا نوده

هند :طب سيب عشة الفراخ اللى انتا فيها دى وركز معايا بقى عشان ما اقلبهاش عليك

كيوبيد:خير يا هند انا زعلتك فى حاجة؟
هند :هو انتا تقدر يا سبعى

بص
بقى يا أما انزل انا وانتا نختار الشبكة وبلاش حماتى تديك فى حقن تحت
الجلد يا أما تنسانى يا كيو للابد اهىء اهىء اهىء اهىء انا اعصابى تعبانة
ومحدش حاسس (هند بتعيط!!!!!!!!)

كيوبيد:طيب وحياتى عندك لو كان ليا عندك خاطر...... ما تعيطيش يا نوده قلبى

هند هو عامل فيها انغام ولا ايه بس كويس البصلة جابت نتيجة ) المهم يا كيو قلت ايه؟( خلصنى بقى صحيح رغاى زى امك بهية المستخبية)

كيوبيد:لالالا انا هشوف الموضوع ده مهما كان ده حقك ودى شبكتك برضه وهنجيبها سوا يا دودو ولا تزعل يا جميل

هند :طب يا كوكو انا هسيبك بقى عشان اتخنقت وما تنساش تشحنلى الموبيل مش هصرف عليك من اولها

كيوبيد:من عنيا الجوز وايدى اللوز.......يا محلول جلوكوز

هند
يخرب بيت ملافظك) تسلم ايدك يا كيو وما تنساش تغسلها قبل ما تاكل بدل ما
تتسم من الهباب بتاع العربيات ومالحش اجيب حتى دبلة خشب وابقى ارملة

كيوبيد:ههههه سكر والله يلا خلى بالك من نفسك سلام

هند (تقفل السكة معاه)وتروح تفرح والدتها وتقولها اعملى حسابك هنروح نشترى الشبكة بكرة

الام:اروبة زى اللى خلفك ياعينى عليك يا كيوبيد انتى لو مش بنتى كنت قلتله اصرف نظر يابنى وشوفلك واحدة تانية

(اشتروا
الشبكة و هند لبستها الحمد لله واليوم عدى على خير من غير اى خساير وهند
كانت زى الحمل الوديع ما هى العروسة بقى وبذكائها اشترت كل اللى نفسها فيه
بالرغم من ان ام كيوبيد كانت هتتشل من كتر المصاريف اللى صرفتها وحطت هند
فى دمغها خلاص)

كيوبيد :احمممم عمى بمناسبة اليوم اللى زى القشطة ده لو ممكن يعنى اخد هند اعشيها بعد اذنك

الابوهو
مجعوص اوى وفارد نفسه على الكرسى وعامل ديك رومى )والله يا كيو يا بنى انا
معنديش بنات تخرج مع واحد غريب ....هو ده اللى عندى

الام:يوه يا مهدى ماهى بقت خطيبته يا حج
هند
: عليا النعمة ان ما رضيت يا مهدى هشغل السخان عليك مية بتغلى وانتا فى
الحمام )وتبتسم لابوها ابتسامة صفرا وهاين عليها تديله بالبوكس

كيوبيد
ينظر لحناطة اخو هند وهو قاعد زى برميل الطرشى وهاجم على علبة الشيكولاته
وقضى عليها ) ايه رايك يا عم مهدى ناخد الامور حناطة معانا واهو يتعشى
معانا انا شايفه خاسس كده وما بياكلش

حناطة:هييييه هتعشى .......خلينى اخرج مع ابيه كيو يا بابا

الام:خلاص بقى يا مهدى ورحمة المرحومة امك ما تكسف كيوبيد

(واتنهد ابو هند وسكت شوية)

كيوبيد : مااااااشى يا مهدى بيه ورحمة امك بكرة اتجوزها واخليك تشوفها مرة فى العيد الصغير ومرة فى العيد الكبير)

الاب بكل تناكة)هاااااااااا طيب عشان خاطر حناطة ما يزعلش واكسر بخاطره روحوا اتعشوا بس ماتتأخروش

هند :تبتسم اوى وتبص لكيوبيد وهى فى منتهى السعادة (اظاهر انها حبيته بحق وحقيقى)
.............المهم
كيوبيد واقف على باب الشقة هو و هند وامها مستنين اللورد حناطة عقبال ما
يتشيك ويمسح لحوسة الشيكولاته اللى مغطية وشه المنتفخ من كتر الحشر عمال
على بطال

الاب بشويش وماسك ودن حناطة)افهم يا جذمة يا ابو مخ عجالى
انتا تمشى فى وسطهم وما تسبش ايد اختك واوعى الواد كيوبيد يمشى جمبها لو
فكر يمسك ايدها عضه واجرى كأنك بتلغ حتة لحمة وعايزك تغتت وترزل عليه عشان
يحرم يقول اخرجها تانى ........يلا غور من وشى تتك نيلة وانتا شبه امك

حناطةمتنح
ومبلم ومدلدل رقبته وبيسمع الوصايا العشر من ابوه) ما تقلقش يا بابا انتا
ما خلفتش الا حناطة اعتبر نفسك باعت اسد معاهم........بس انا اخاف هند
تضربنى؟

الاب:امشى بس يلا بسرعة وما تخفش هى عاملة فيها فاتن حمامة النهاردة ومش هتضربك قدام

المحروس
(كيوبيد و هند وحناطة نزلوا من البيت واتمشوا على الكورنيش شوية وحناطة
عامل زى حرس الحدود وكيوبيد هاين عليه يربطه فى ماسورة ويحدفه فى النيل
هههههههههه)
كيوبيد :ها مبسوطة يا هند ؟

هند :تبص لحناطة وتقول كيوبيد اة اوى هتطق من الانبساط يا كيو

كيوبيد:المهم اننا مع بعض يا لوزة قلبى
هند :لوزة قلبك!!!!!ده دلع ده ........طيب تسلملى يا زعيم التتار

صحيح يا كيو ما فكرتش تحلق المقشة اللى سدة مناخيرك دى قبل كده.......ده حتى غلط على التنفس لاحسن تموت فطصان ولا حاجة

كيوبيد:لالالالالالالالا
عمرى ده انا اموت بحسرتى (ويبصلها ويبتسم فى حين ان الاخ حناطة ملهى فى
كيس الفيشار اللى جابهوله كيو عشان يرتاح من رزالته) ده شياكة يا هنودتى
عشان ابقى شبه اللى اسمه يحيى ده يا لموسة قلبى

هند :اتلم يا كيوبيد بدل ما اخد حناطة واروح وخليك بقى حب فى شنبك يا بتاع لميس انتا
كيوبيد:ورحمة ابويا ورحمة ابويا كمان مرة انتا بتغير عليا يا جميل

هند
لاقت ان الموضوع هيقلب رومانسية وهى طبعا بميت راجل ....اسد يعنى) كشرت
وقالتله :هتعشينا ولا اخد الواد وامشى واخليك تجرى ورايا والناس تتلم
واقولهم بيعاكسى
وتاكل علقة تنسيك اسم المرحوم ابوك

كيوبيد بمنتهى الاذبهلال)ايه يا هند قلبتيها اخبار حوادث ليه كده .......يلا ياستى نتعشى انا مش مستغنى عن عمرى
هند رجالة ما تجيش الا بالسك)

(وكيوبيد
اختار مطعم شيك اخر حاجة عشان خاطر عيون الساحرة هند المهدى ودخلوا المطعم
والغلبان كيوبيد بيرسم فى خياله اول عشا رومانسى زى ما بيشوف فى الافلام)

لكن ما خفى كان أعظم وربنا يعينك على ما بلاك يا كيو

استنونى المرة الجاية ههههههههههههههههههههه

هَہِِهَہهَہهَہهَہهَہِِهَهَہِِهَہهَہهَہهَہهَہِِ=))
‏حلـِۈۋ‏وھّ بجد
تسلم الأيادي ياعسل~
متشوقه. لجديدك دائما

شكرا يا جميل اتمنى انى مكنتش طولت عليكم

حلووووووووووووووووووووووووة

اسسسسسسسسسسسسسسسسستمرى

يااااااااااااااااا قمررررررررررررررررر

ميرسى يا قمر وان شاء الله بكره هاكون حطيت الحلقه التالته ميرسىىىىىىىىىىىىىى انتظرونىىىىىى

تسلم اييييييييييييييييييييييدك ياقمر وبانتظارررر جدييييييييييييييييييييدك

شكرا يا جميل يا رب مكنش تالت عليكم

حلوه اووووي تسلم ايدك ياقمري

شكرا يا قمر