سؤااااااااااااال هاااام

لو سمحتوا جاوبوني بليز



في موضوع ده بليز



انا مبسوطه جدا جدا منكوا

وعاوزه تفاعل اكتر واكتر



بليز انا عاوزه ارأكوا

ياريت يا جماعه

اللي عنده اي مشكله او اي حاجه

زي دي كده

ياريت يطرحها عندنا هنا في الموقع

يااااااااااريت ياجماعه بليز



وان شاء الله هنلاقي حل

إحترامي لأرائك مريم وبجد سعيد بتقبلك رأيي ومناقشتك وهقولك حاجه مريم اذا كان الولد ده جاد في الإرتباط يتقدملها ويتقابلوا في حضور أي قريبه لها لضمان الجديه من ناحيته زي عمتها أو خالتها أو أختها لإن من الصعب أقول يتقابلوا وحدهم بالذات ف الزمن ده
اذا كان جاد يامريم في الإرتباط صدقيني هيتقدم لها لإنهم بعد كده هيتقابلوا عند أهلها وبمباركه الأهل
لازم يسعي ويتقدم طالما عنده الحب يامريم ويفكر فيها قبل مايفكر في نفسه وأنا عارف أن المقابله ضروريه بس ف الزمن ده محتاجه أي حد من قريباتها زي ما وضحت دلوقت لضمان جديته لإن قلب البنت أحن وأوفي من قلب الشاب ومش كل الشباب بس صوابع إيدك مش زي بعضها وصدقيني أنا معاكي في أهميه المقابله قبل أنه يتقدم رسمي بس لازم بشروط عشان البنت قبل الولد يامريم

أكيد كلامك صحيح مريم وفيه فعلا بنات كويسين جدا ماشاء الله وعشان كويسين والله بقول كده من خوفي عليهم وربنا يعلم قد إيه فرحان بالمناقشه دي وبجد أي حب صادق بيستمر وأول مقابله زي تاني مقابله صدقيني وأنا مش قصدي ف أول مقابله حضور الأب والأم ولو أن ده مطلوب بس اذا تعذر الأمر يتقابلوا ف حضور أختها والأخت مظنش هتحرج أختها قصاد الأهل لإن أول مقابله مش ممكن هيبقا فيها كلام كتير دي مقابله تعارف فقط وبجد أنا يشرفني تحملك رأيي مريم وتعقيبك عليه لإن الموضوع مهم والمناقشه بناءه جدا ومفيده

ميرسي ليك يا علي كتير



بس بص افرض لو واحده معندهاش

اخت بنت هتعمل ايه بالظبط

وحتي لو عندها بس اصل

الخطوبه والجواز

بتحصل فيها مشاكل كتير مووووت

وكمان مفيش اخت او خاله او عامه

هتحط نفسها في مشاكل كتير كده

حبيبه قلبى انا اول مره اشوف الموضوع هو المجتمع كده وبما اننا عايشين فى مجتمع لازم نحترم اراءه ونتعايش مع كل حاجه فيه شكرا حبيبه قلبى على الموضوع

عندكوا حق كلكوا

بس احنا لازم نشوف حل

مش نستسلم كده وخلاص اكيد في حل



ميرسي ليكوا كتير يا جماعه

ميرسي للمرور كتييييييييييير





بصوا





احنا مش لازم نستسلم احنا لازم نفكر



ياجماعه الموضوع ده لو مفيش له حل

هو كده بيدمر حياه ناس كتيييييير



اوي اوي



في ناس كتير اوي



بيرتبطوا بناس مش بيحبوهم اصلا



طب ازاي



احنا لازم نفكر ونلاقي حل



ان شاء الله

متشكرنيش مريم أنا اللي لازم أشكرك علي طرح الموضوع ده وبعد إذنك من ضمن الحلول اذا مكنش فيه خاله أو عمه أو أخت يبقا مفيش غير صديقه ومش أي صديقه لازم البنت تختارها بعنايه لأن دورها مهم جدا بمعني ع الأقل لازم تكون ذات شخصيه لأنها مرايتك وهتشوفي نفسك فيها الأهميه يامريم من وجهه نظري المتواضعه ف البنت مش الشاب لأن البنت بتفكر بقلبها عكس الشاب بيفكر بعقله ومهما كان كويس لازم الحرص لإن اذا محصلش نصيب ساعتها صدمه البنت أقوي من الشاب بحكم رقتها وحنانها

ميرسي ليك كتير عندك حق



بس بعد اذنك

انا عاوزه اعرف مين الصديقه

اللي ممكن تحط نفسها في مشاكل

مهما كان الصديقه دي بس بردو مش هتحط نفسها

في مشاكل وكمان مشاكل مع اهلها هيه

لان كمان اهلها هتقول لهم ايه لما يقولوا ليها

انتي رحتي مع صديقتك عشان تشوفي واحد

مش هينفع

ابدا طبعا



ميرسي لوجهه نظرك

للاسف صعب دلووووووقتى تغييرى عادات وتقالييييييييييييد واسلووووب تفكير اتربت عليها الاجياااااااال

اللى سبقتنا كلها ....من وجهة نظرهم هم كده بيحموووووووووونا وشااااااااايفين ان الحق معاهم

وهنا بقا يجى التحدى انك تقدرى تثبتى لاهلك انك عرفتى تختارى صح وان الانسان ده يستحق الثقة فعلا

صح عندك حق في كل كلمه

قولتيها



بس عمر ما التحدي ده هيعدي علي خير

وبالساهل ابدا

وممكن تحصل مشاكل كتير اوي

كثره الأراء دليل علي أهميه الموضوع وشكرا علي طرحه مريم
وليا رأي متواضع
اذا مكنش فيه صديقه أو أخت صعب البنت تروح وحدها الا ف حاله واحده بس ودي شبه صعبه الثقه المطلقه وبالتالي صدقيني مفيش ثقه مطلقه ابدا لأي إنسان في الزمن ده ومنطقيا أنه يتقدم رسمي اذا كان جاد واذا رفض ده بحجه أنه يشوفها الأول تأكدي أنه غير جاد وبكرر رأيي المتواضع مفيش ثقه مطلقه ف أي إنسان ف الزمن ده تحديدا في بذل الحب وأكيد عادتنا وتقاليدنا سلاحنا اللي لازم نتمسك بيه لأنها بتحمي البنت قبل الشاب ان كان عليا كشاب هفرح اذا طلبت مقابله بنت بنيه الزواج بس ساعتها هفكر فيها قبل مني وهفكر ف كل الإحتمالات اذا كنت جاد هتقدملها حتي اذا كانت ظروفي صعبه وأنا ونصيبي واذا محصلش نصيب ساعتها هبقي حافظت عليها حتي من نفسي وكنت جاد لأخر لحظه
وأنا سعيد وفخور بمناقشه الموضوع المهم ده بجد

ميرسي كتير ياعلي

علي رأيك ده



بس لو كان الانسان ده

بيفكر في البنت قبل مايفكر في نفسه

بس بردو عنده مبدأ انه يشوفها

وكمان مكسوف



انه اول مايتعرف بأهلها

يطلب بنتهم منهم

دي اول مره هيشوفها فيها

و اول مره هيشوف اهلها

ازاي هيطلب منهم بنتهم وهما مايعرفهوش

ولا هو يعرفهم



اكيد لازم البنت تشوفه الاول

عشان تقدر توصفه لأهلها

وتقدر تعرف من شكله وطبعه

هو ولد كويس ولالا

عشان تقدر تكلم اهلها

وتقدر انها توصف مواصفاته

عشان يتقدم رسمي

يبقي لازم هو يشوفها وهيه تشوفه

عشان هو كمان يقدر يوصف البنت دي لاهله

اللي هيجي يخطبها علي طول

عشان ييجوا معاه يخطوبها

ولا هو هيروح يقول لاهله انا عاوزاخطب

واحده ماشوفتهاش قبل كده ومش اعرف اهلها ومش اعرف عنها اي حاااااااااااجه



يبقي لازم يشوفها عشان يجي مع اهله


مع اهله

عشان هو كمان يشوف البنت دي

كويسه ومحترمه ولالا







ميرسي بجد ليك وميرسي لكل الاعضاء اللي

شاركوني في موضوعي

لو الشاب ده مكسوف طب ازاي هيقابلها وهيقولها إيه
صدقيني أنا كشاب موافق علي كلامك جدا وواضح أن البنت دي قلبها كبير وبيحب الناس بس بفصل بين رأيي كشاب ورأيي كإنسان خايف عليها وأحنا بشر ورأيك محترم جدا مريم بس كنفس بشريه رأيك هيوافق عليه نسبه شباب كتير إما لأنهم بيحبوا ونيتهم صافيه أو مش عايزين غير مقابلات وبس وبجد رأيي ع المجمل مش البنت المحترمه الصافيه دي تحديدا اللي لو كل الناس فكرت بطيبتها وبرائتها هتبقا الدنيا أحسن من كده بكتير وكنا نسينا حاجه إسمها خيانه ثقه وخيانه أمانه وبجد فرحتي متتقدرش عشان مناقشه الموضوع ده لأنه أكيد بيهم ناس كتير وأجدد الشكر الجزيل مريم علي قبولك مشاركتي وتحملك رأيي المتواضع جدا بالنسبه لأهميه الموضوع ورأيك ورأي بقيه الأحباب

ميرسي يا علي

علي رأيك وانا بجد اللي مبسوطه وفرحانه

من اني باخد رأي اصدقائي واحبابي واخواتي

في موضوع زي ده





علي انا عاوزه اسألك سؤال

هو ممكن يكون غلس ومحرج جدا



بس يا علي لو انت بتفكر بتفكير كل الشباب

لو لقيت بنت محترمه ومؤبه ومتربيه

علي اخلاق

هتقدر تعمل حاجه زي مانت عايز

ولا هتعرف انها محترمه ومؤبه وهترفض وتحرجك

انا موافقه علي كلامك



بس لوانت مكان اي شاب هتقدر

اكيد لا



بص



انا بقول انها ممكن تكون مقابله واحده بس

وحتي لو مكسوف من اهل البنت دي

مش هيتكسف منها هيه لانه عارفها كويس

واستمروا مع بعض

وعرفها وهيه عرفته







طب اناهقول حاجه كمان





لو الشاب ده موافق علي كلام البنت

انه هو يجي يشوفها في بيتها

ادام اهلها



ويتقدم ويقرأ فاتحه





بس رأيك بردو انا مقدراه جدا

بس هضيف عليه رأي تاني





الولد ده لو تفكيره زي كل الشباب

وانه زي ما بتقول مفيش ثقه

وامانه



ما هو ممكن يكون الشاب يقرأ فاتحه

والبنت دي بطيبه قلبها

وبرأتها





ممكن ياخد اللي هو عاوزه

حتي بعد ما قرأ مع اهلها

فاتحه واتقدم رسمي



وبعد كده يسبها

وتبقي خسرت كل حاجه



لازم تكون فيه ثقه شويه



لان هو لو كان عاوز ياخد كل اللي عاوزه من البنت دي

ممكن يعمل اي حاجه عشان ياخد اللي عاوزه



حتي لو خطبها وحتي لو قرأ فاتحه



ممكن اي شاب لو هو بيفكر كده

وعاوز كده



يعمل اي حاجه واي طريق ممكن يوصله للي عاوزه



انما بقي

لو شاب كويس ومش بيفكر في اي حاجه



ومش عاوز حاجه من البنت دي



يبقي عمره ما هيستعجل عشان يخطبها

هيبقي علي راحته لانه مفيش حاجه

هو عايزها من البنت دي

تخليه يستعجل عشان يخطبها





ميرسي يا علي كتير لرأيك

ده ميرسي ليك كتير اوي

أحترامي وتقديري ليكي مريم ولكلامك الرائع اللي معاكي حق فيه وأن الشاب ده اذا كان عايز حاجه ومش جاد فعلا ممكن يقرا فاتحه ويستهتر بعد كده وبجد معاكي كل الحق في تنبيهي علي النقطه دي وبزداد شرف كل اما أشوف رأيك وأخد بالي من حاجات نسيتها
وعندي حل أكيد منتشر الأيام دي
يتكلموا فون أو يدخلوا شات سوا وده ممكن يعوض موضوع المقابله وبعد الموضوع مايبقا جد يتعرفوا أكتر علي بعض لإن فتره الخطوبه أساسا فايدتها عشان يتعرفوا علي بعض أكتر
وبجد دايما بتشرف برأيك ومنتظره مريم لأني واثق ثقه كامله أني هستفيد من كلامك لإنك بتفكري بعقلانيه لازم نحترمك كلنا عليها
ربنا يحميكي

ميرسي ياعلي

كتير رأيك مهم

وانا بزداد شرف لما بشوف رأيك



بس بص ياعلي

انا محترمه رأيك جدا جدا





بص ياعلي



لو هما عارفين بعض كويس اوي

واتعرفوا علي بعض اكتر

واستمروا مع بعض لعده شهور

ومش فاضل حاجه خالص

الا المقابله

عشان بعديها

الولد يجي يتقدم رسمي

للبنت اناعاوزه رأيك في الكلام ده

اناعاوزه اوصل لحل

انهم الاتنين اللي بيحبوا بعض
يقدروا انهم يكملوا مشوارهم

مع بعض



انا منتظره ردك عليا

ومنتظره رأيك اللي كل يوم بيفدني اكتر



ميرسي كتير ياقمر

علي رأيك

ومنتظره رأيك الجديد في الكلام ده

شكرا كتير مريم بجد علي كل كلامك الراقي المحترم وصدقيني مش لاقي مجال بعد كلامك أنهم يتقابلوا بعد حب دايم شهور وربما سنه أو أكتر أنا معاكي اذا كان الوضع كده بس بدون ماتزعلي مني وأنتي أختي بعد إذنك طبعا وأتشرف بكده والله
برضو لازم مترحش المقابله دي وحدها ابدا وصدقيني البنت دي بأخلاقها الرائعه دي مؤكد عندها صديقات كتير بيحبوها واذا قالت لأي واحده منهم تثق فيها جدا مش هترفض لأن اذا وجدت الثقه وحسن النيه منه فعلا فوجودها معاها ف أول مقابله حيويه جدا لأن بوجودها هتفضل مسافه بين الحبيبين مطلوب تواجدها ف الوقت ده تحديدا
أكيد منتظر رأيك مريم عشان أستفيد أكتر
ربنا يعلم قد إيه أنا فرحان وفخور بمشاركتي المتواضعه معاكي ف الموضوع المهم جدا اللي طرحتيه والي الأمام دايما بإذن الله

ميرسي ياقمر

علي رأيك الجميل ده

وانا عمري ما بزعل من حد من اخواتي

واحبابي هنا في الموقع

ميــــــــــــــــــــــــــــــــرسي

كتييييييييييييير

ياعسل







بس انا بقول بردو لو واحده ماعندهاش اي

صديقه ممكن تثق فيها كده

ولو ممكن الصديقه دي

تحط نفسها في مشاكل بين اهلها

وبين اهل البنت دي



اكيد مفيش حد كده





ميرسي







انا عاوزه ردك

ورأيك اللي بيفدني كتير

ربنا يحميكي يامريم وبجد شكرا علي ثقتك الكبيره فيا كأخ
اذا مكنش لها أي صديقه تستشير أي حد تثق ف رأيه مريم بس صعب أي بنت ميكنش لها صديقه بالعكس البنات بيتعرفوا علي بعض بسهوله أكتر من الشباب هي لازم تستشير أي حد أو هقولك حاجه اذا كانت واثقه ف حبيبها ثقه كبيره وهو قد ثقتها دي تيجي معاه أخته هو أو أي قريبه له المهم وجود بنت معاها بنت بالذات لأن وجودها ضروري وكنت أتمنا تبقا من طرفها مش من طرفه هو