مفاهيم اساسيه فى الموسيقى

[ندعوك للتسجيل في المنتدى أو التعريف بنفسك لمعاينة هذه الصورة]
بعد ما لاحظت بصراحه ان فى ناس بتفتى بناء على استنتاجات وهميه قولت لازم انور الناس اللى معانا واقولهم على بعض المعلومات عشان يبقوا عارفين لما يسمعوا اللفظ ده معناه ايه

نبدأ اولا

الايقاع
-------------
الايقاع اسمه الدارج وسط الناس هو ( ريتم) يقولك رتم الاغنيه ده هادى هو يقصد ان مود الاغنيه هادى لكن اللى بيديك ايحاء بالهدوء او ان الاغنيه هايصه هو الايقاع والايقاع بيتكون من كذا حاجه مش هنخش فتفاصيلها دلوقتى قدام هنقولها بالتفصيل الممل

اللحن
--------
اللحن هو طريقه غناء الكلام المكتوب يعنى انت كتبت كلمات وبتبدأ تقولها بطريقه معينه
تسكت ف حته تطول ف حته تخطف كلمه او تلزق الكلام ف بعضه هو ده اللحن واللحن الاساسى اسمه ( ميلودى) وده بيكون بصوت المطرب اللى بيغنى وغالبا بيكون فى كمنجات بتقوم بعزف اللحن الاساسى مصاحبه للمطرب
وكمان اللحن عامل زى الشقه الفاضيه انت ببساطه جبت طوب وبنيت الحيطان بتاعه بيتك

التوزيع
------------
التوزيع هو العمليه المسؤله عن اخراج الاغنيه بالشكل المطلوب والتوزيع بالذات بيبان فيه الاغنيه لانه مسؤل عن انه يوصل الحاله بتاعه الاغنيه
ولو شبهنا التوزيع هنقول ان التوزيع انك بعد ما بنيت الحيطان بتاعه شقتك بتبدا بقى تزينها وتلونها وتحط كل حاجه ف مكانها الانتريه والصالون والنوم والمطبخ كل حاجه ف مكانها الصح
وهنا الاختلاف فى التوزيع والرؤيه بقى
كل واحد عنده رؤيه كموزع وبيكون ليه وجهه نظر فى اغنيته
التوزيع مش مجرد برنامج تتعامل معاه
التوزيع فكر ورؤيه ووجهه نظر واختيار صح للالات الموسيقيه وازاى تقدر توظفها صح وازاى يكون فى تناغم بين الالات

الهارمونى
--------------
سبق وقولنا ان اللحن هو طريقه غناء الكلام بتاع الاغنيه
الهارمونى بقى هو الموسيقى المصاحبه للاغنيه
زمان كانت ليها قواعد معينه للعزف
انما دلوقتى بتعتمد على الخيال للموزع وكل موزع وشطارته
الهارمونى نقدر نقول انها بتتمثل فى الكوردات لان الكورد مينفعش تعمل بيه لحن اساسى
والكوردات دى عددها كبببببببببببببير وانواعها اكتر
وبيتم عزفها بطرق معينه عن طريق مفتاحين على الاقل او تلاته او اكتر على حسب التناغم

الفورم الموسيقى
---------------------
يعنى الشكل الموسيقى وده بيبقى ليه عده انواع وكل نوع بيميزه حاجه معينه
يعنى فى لفظ باسمعه بضحك قوى لما باسمعه
واحد يقولك الاغنيه دى ( استايل ) او الاغنيه دى ( استايلايه) مش فاهم على اساس الكلمه دى اتقالت
انا اعرف ان فى حاجه اسمها شكل موسيقى او فورم موسيقى اللى هو عامل زى القالب اللى انت صبيته وبتبدا تظبطه على حسب احتياجك

الاشكال الموسيقيه كتييييييييير زى مثلا

المقسوم
الملفوف
ريجا تون
سامبا
تانجو
تشاتشا
صلصا
روك
ميتال
بوسا نوفا

لسه باقى كتيييييييييييير بس كفايه دول اللى لازم نعرفه ان كل فورم من دول ليه طابع معين والات معينه بتميزه وبتكون اساسيه فيه

الهندسه الصوتيه
-------------------
الهندسه الصوتيه هى العمليه المسؤله عن اخراج الصوت بالصوره الصحيحه
يعنى هندسه الصوت مش مجرد انى بهتم بصوت المغنى بس
لا دنا بهتم بصوت كل اله موجوده فى الاغنيه وحتى الايقاع كمان
بالنسبه للصوت بتاع المطرب بيكون ليه مؤثراته اللى تطلعه بصوره جامده
وصوت الالات كذلك
الهندسه الصوتيه لو زادت عن الحد بتبقى وحشه ومش فى صالح الاغنيه
وكل ما كانت بسيطه كل ما كانت اقوى

المكساج
-----------
جايه من كلمه مكس
يعنى خلط
هنا انا بعمل بقى خلط للتراكات اللى انا سجلتها كلها
وبخلطهم سوا بطريقه تبين كل حاجه وكل حاجه تاخد حقها بحيث مفيش اله تغطى على اله او صوت المطرب يبقى اعلى او اوطى
ودى مرحله مهمه جددددددا فى الاغنيه

الديجيتال ماستر ( ماسترينج) للاغنيه
--------------------------------------------
المرحله الاخيره
مرحله الديجيتال ماستر او الماسترينج هو المسؤله عن الكواليتى بتاع الاغنيه
ساعات نسمع وغالبا كل الاغانى اللى بتطلع من التوزيعات المنزليه بتكون مكتومه وصوتها تعبان وحالته حاله
الماسترينج بقى عباره عن تعامل مع ارقام واكولايزر
ازاى يكون الاكولايز شغال على اكمل وجه
ازاى متطلعش مكتومه
الايقاعات تكون واضحه وباينه متكونش فيها حاجه شاذه على الودان

حاجه اخيره فى الماسترينج
لو التراكات صوتها وحش اصلا وكواليتى بتاعها مش عالى يبقى عمر الاغنيه ما هتطلع حلوه
يعنى فى الاساس كله معتمد على ان التراك الاصلى يكون كواليتى عالى
[ندعوك للتسجيل في المنتدى أو التعريف بنفسك لمعاينة هذه الصورة]

رووووووووووووعه روعه بجد
تسلم ايدك كيمو بجد مش عارفه اقول لك ايه عالمجهود الجميل
كل كلمات الشكر مش هتقدر تعبر عن مجهودك و الله
[ندعوك للتسجيل في المنتدى أو التعريف بنفسك لمعاينة هذه الصورة]

بجد بجد تسلم إيدك يالكيمو على المجهود الرائع

عند حق ياااااااااااا كيمواااااااااااااااااا

تسلم يااعسللللللللللل على مجهودك

موضوووووووووووووووع رائع
مثلك

» مفاهيم السعاده )))