المحامون الكويتيون: مبارك ليس القذافى أو الأسد

[ندعوك للتسجيل في المنتدى أو التعريف بنفسك لمعاينة هذه الصورة]
جانب من المؤتمر الصحفى


عقدت هيئة المحامين الكويتيين المتطوعين للدفاع عن الرئيس السابق، وعددهم 6 محامين وهم فيصل العتيبى، بشاير محمد وجعفر الخير، وعابد سعد محمد، ومحمد خالد الضاحى، ومحمد ناجى محمد، مساء اليوم، الأحد، مؤتمرا صحفيا بفندق سوفيتيل الجزيرة لتوضيح الأسباب والدوافع التى جعلتهم يتطوعون للدفاع عن الرئيس السابق حسنى مبارك، وفى بداية المؤتمر ألقى المحامى الكويتى فيصل العتيبى بياناً أكد فيه أن المحامين الكويتيين جاءوا إلى مصر لرد الجميل للرئيس السابق، الذى وقف بجانب دولة الكويت أثناء الغزو العراقى عام 1990، مشيرا إلى أن مبارك لم يفعل بشعبه ما فعله العقيد الليبى معمر القذافى والرئيس السورى بشار الأسد من مجازر بشرية ارتكباها فى حق مواطنيهما، واصفا موقف مبارك بالتنحى بالقرار الشجاع والنبيل حقنا للدماء، وانسحابه فى هدوء من رئاسة البلاد.

وأضاف العتيبى أن الرئيس السابق هو الرئيس الشرعى لجمهورية مصر العربية، وأنه حضر لمصر ومعه الوفد للوقوف بجوار مبارك واصفا إياه بـ"زعيم الأمة العربية"، وأنه بذلك لا يتدخل فى الشئون الداخلية فى مصر واثقا فى براءة الرئيس السابق دون التدخل فى شئون القضاء المصرى، ووجه العتيبى عزاءه لأسر شهداء الثورة، مطالبا الشعب المصرى بالتكاتف والتماسك تجاه الأزمات التى تمر بها المنطقة العربية بأكملها.

وبعد انتهاء كلمة العتيبى وجه أحد الصحفيين سؤالا إلى الوفد ذكر فيه كلمة "الرئيس المخلوع" مما أثار حفيظة أنصار ومؤيدى مبارك ومنظمى المؤتمر، وحدثت على إثرها اشتباكات، مما أدى إلى انسحاب الوفد، ثم قام المنظمون بتهدئة الأوضاع وإعادتهم مرة أخرى وسط هتافات من مؤيدى وأنصار مبارك "يا مبارك يا طيار إحنا معاك على خط النار"، "أشرف مصرى حسنى مبارك"، ليتابع الصحفيون المتواجدون بالمؤتمر توجيه الأسئلة إلى الوفد.

وأكد يسرى عبد الرازق، رئيس هيئة الدفاع المتطوعين، أن وزير العدل محمد عبد العزيز الجندى وافق على التصاريح للمحامين الكويتيين لدخول المحاكمة والانضمام لفريق الدفاع، وفى نهاية المؤتمر وجه العتيبى كلمة شكر للرئيس مبارك، مؤكدا أنه كان وسيظل زعيم الأمة العربية.



[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

المصدر اليوم السابع

مشكور على الموضوع يا دكتور احمد بس انا بجد معترض على الجملة اللى قالها واحد من المحامين الكويتين الافاضل ان حسنى مبارك زعيم الامة العربية اعتقد ان اللقب دة كان الرئيس جمال عبد الناصر هو الاجدر بيه

يا دكتور احمد انا على فكرة مش بدافع عن جمال عبد الناصر عشان كلنا عارفين الاضرار اللى سببهالنا فى حكمه بس فى نفس الوقت برضو حسنى مش زعيم الامة العربية يبقى زعيم الامة العربية بجد لما كان يراعى ربنا فى شعبه اللى عنده 8 مليون تحت خط الفقر واللى ساكنبن فى عشش فى العشوائيات بنسبة 40% ولا مشاكل التعليم اللى خلى كل العيال يطلعوا زى رمزى بتاع دولة حبيبى او كان حل مشكلة البطالة ويخلى القطاع الخاص بيوازى القطاع الحكومى فى المميزات يعنى يمشى نظام العقود المؤقتة حتى فى القطاع الخاص زى فى العاشر من رمضان او 6 اكتوبر نفصل نشتغل وفى الاخر يمشونا وقت ما هما عايزين لكن لو فى عقود بيلتزموا بيها عمرهم ما هيقدرو يمشوك والسياحة اللى عمللى شرم الشيخ وسفاجا ومارينا للاغنياء بس فين حق الشعب فى دة كله ما كانش بينتفع بفلوس السياحة دى ليه ولا هو شاطر بس يخلى بطرس غالى يفرض ضريبة حتى على النفس اللى بنتنفسه كان المفروض كل الحاجات دى تترد فى تعليم وخلق فرص عمل للشباب وتوفير اسكان يتناسب مع ظروف الشباب وغير قناة السويس اللى بتدخل مليارات احنا فين بقى من دة كله دى بس شوية مصايب من اللى خربها جوة وما خفى كان اعظم لا وبعد ما خربها يروح مسلط الكلب بتاعه حبيب العادلى ويؤمره ان قوات الامن تضرب الثوار فى المليان والقناصة يضربه الطلقة النافوخ واللى ينفد من الموت يعيش بعاهة طب دة فى شرع مين
بس احنا بندافع عن ايه دة اجرم فى حق 80 مليون مصرى على مدى 30 سنة يا جماعة انت يا دكتور احمد بقالك 30 سنة بتاكل فاكه وخضار مرويين بمية المجارى يعنى ما شاء الله على ايده دخل علينا السرطانات والفيروسات الكبدية كلها ادى فترة حكمه داخليا لحد ما عكمهم على قلبه هو اسرته والحاشية اللى معاه
تعالى بقى خارجيا هنلاقى نفسنا منداس علينا بالجزمة ليه لانه حول مصر لعصاية فى ايد اكريكا واسرائيل بنفذ سياسة امريكا الحقيرة اللى بتمول اسرائيل بالاسلحة الفتاكة اللى بتموت بيها اخواتنا فى فلسطين وزيادة عن دة كله بيصدرلهم الغاز بالبخس بيكافئهم حضرته وطبقا لمعاهدة السلام اللى خاف يصلح حاجة من بنودها اسرائيل واخدة نص سينا محددين فيها عدد قواتنا وما تقدرش تبنى فيها طوبة واحدة وشوية شوية هنلاقى اسرائيل بتحل مشكلة الفصائل الفلسطينية بسيناء
بجد بجد الراجل دة خسارة الواحد يضيع وقته فى الكلام عنه
وان شاء الله اعدام
واسف على الاطالة