اصعب ما فى الدنيا

هااااااااااااااااااااااااااااااااااااااااااااى على احلى اعضاء فى الدنيا انا كاتب النهاردة حاجة جديدة اتمنى تعجبكم

اصعب ما فى الدنيا حبيبك تلمحه
وتقف مكانك وهو يفضل مطرحه
واقفين مكاننا نبص باستغراب لبعض
وكاْن عمر ما كان فى بينا غرام ووعد
والذكريات الحلوة راحوا واتجرحوا
حسيت كاْنه بيقولى قرب ضمنى
وهو حاسس انه لسة يهمنى
كان نفسى اجرى عليه واقوله وحشتنى
بس اللى فاتنا ولا حاجة تقدر تصلحه
عارف يا قلبى اللى اثر فيا ايه
انى حضنت الحلم واتعلقت بيه
وفى لحظة فوقت لقيتنى تايه مش لاقيه
وبدوق عذاب صعب ان حد يتحمله
عارف انى صعب اعيش يوم برة حضنه
وهو عارف انه مش ممكن يعيش فى بعدى عنه
طب ليه قابلنى من جديد وليه قابلته
يمكن عشان الجرح ينزف من اوله

يارب تكون الكلمات عجبتكم ومستنى ردودكم الحلوة بفارغ الصبر اكيد

ايه الكلام الكبير دة يا بسبس ربنا يخليكى واللله العظيم دة بس من زوقك يا عسولة وكلامك يعبر عن احساسك وزوقك العالى واتمنى تكون الكلمات عجبتك يا قمر

مريم
تسلم على المرور يا قمر بس ايه حكاية الجرح دة
هههههههههههههههههههههههههه
بعد الشر عنك من اى جرح يا عسل
ونورتينى يا قمر

توتى تسلمى على المرور وعاوزين نقرالك حاجة من حاجاتك الجميلة
ومنورة الدنيا كلها

دكتور احمد بشكرك جدا على كلامك الجميل دة وعاجز عن شكرك والله
وبالنسبة لراْى دكتور احمد الفيشى فهو اخ وصديق وراْيه ليه كامل الاحترام والتقدير هو كل الحكاية انى حبيت بس اعرفه موقفى من طريقة حكم مبارك انى كمواطن ليا تحفظات كتير على فترة حكمه ومش جزاء كل التدمير اللى درهولنا على مدى 30 سنة اننا نكافئه ونديله لقب زعيم الامة العربية اى امة ؟ وفى نفس الوقت مش بدافع عن الرئيس جمال عبد الناصر ورغم انه الحقنا بنكسة وكان عهده كبت حريات ومعتقلات ومحاربة للاقطاع بس كان دايما شايل عبئ القضية الفلسطينية ومخبى ما بين ضلوعه هموم الامة العربية كلها لو تعرفوا انه بعت جنود مصريين تشارك فى حرب اليمن ويساند ثوار اليمن عشان يحموا ثورتهم ضد النظام الملكى وبعت وقتها 130 الف جندى ناهيك بقى عن الذخائر الل استخدمت فى حرب اليمن اللى استمرت حوالى 6 سنوات ورغم ان كل دة بيدمر بيه اقتصاد مصر بس الموقف نفسه انه ما بخلش لما اليمن طلبت منه المساعدة الموقف دة هما شايلينه لحد دلوقتى وعشان كان فكر عبد الناصر دايما فى توحيد صفوف الامة العربية بعد نكسة 67 قرر انه يتنحى وحس انه اجرم فى حق شعبه بس عشان الناس بتحبه رجعوه للحكم من تانى وعشان كدة استحق لقب زعيم الامة العربية
وعلى النقيض حسنى مبارك من قيمة سنتين تقريبا كنا بنطالب بمساندة اخواننا فى فلسطين باْى وسيلة يطلع احمد عز امين التنظيم فى الحزب اللى هو رئيسه يقول انتوا شايلين هم فلسطين كدة ليه ما ولادها اولى بيها انهم يحموها لكن احنا عندنا مشاكل اكتر بكتير من مشكلة فلسطين
يعنى حاجة تحسسك انه فعلا ما بيفكرش غير فى نفسه وبس لا فى مصلحه شعبه ولا فى مصلحة اشقاءه العرب منتهى الانانية
انا اسف على الاطالة بس انا والله حبيت اوضح راْيي ارجو يكون راْيي وصل وانا اسف على الاطالة

شهد ميرسى على المرور يا قمر واسعدنى ردك الرقيق اوى بجد

يا ايمى ربنا يخليكى على الكلام الجميل اللى انتى كاتباه دة وانا مش ساجن نفسى والله كفاية انى بكتب لناس انا بحبهم زيكم كدة ودى حاجة مفرحانى جدا يا قمر وانتظروا منى المزيد انشاء الله

كيمو منور الدنيا يا حبيبى وعاوز اقول فعلا ان كيمو يا جماعة من الناس اللى شجعونى جدا ايام ما كنت عضو فى موقع الهضبة وكان من اول الناس اللى اديتنى ثقة فى اللى بكتبه بجد وانا ليا الشرف انى اكون مع كيمو فى اى مكان دة حبيبى
ههههههههههههههههههههههههههههههههههه