طــلــقـنـى شـــكــرااااااا

السلام عليكم ورحمة الله وبركاته

وعيد سعيد على الجميع

تبعا كلنا تابعنا مسلسلات فى رمضان سواء واحد او اكتر من مسلسل

والغريب والى لفت انتباهى ان فى مشكله كبيرة جايه واللى معظم المسلسلات كانت بتتكلم عنها

وهى تعدد الزوجات انا من الناس اللى تقريبا بطلت اتفرج عليهم بسبب الموضوع دا

شوفت اكتر من مسلسل مكنتش متبعاه بس لقيت فيه الموضوع دا

فى مسلسل الدالى لقينا نور الشريف اتجوز على مراته

فى عريس دليفرى اتجوز كتير

وفى مسلسل الريان كان طول مهو ماشى بيتجوز

ومسلسل لحظة ميلاد بردو كمال ابو رايه كان متجوز اتنين

ياترى دى دعوة عشان كل الرجال يعملو كدا

وياترى الايام الجايه هيكون دا شىء طبيعى

وياترى فى ستات هتقبل بكدا وهتعيش وعادى الحياة ماشية

من الطبيعى ان اللى بيتجوز اكتر من واحدة مبيكنش عايش سعيد

وانا من وجهت نظرى ان اللى بيهرب من مشاكل فى بيته بالزواج يبقى دا انسان فاشل

بدل ميحل مشاكله هرب بالزواج التانى اللى هو بعد فترة قصيرة هتكون فى سبب زيادة مشاكله

ولو الموضوع دا حصل نسبة الطلاق هتزيد اكتر ماهو فالعالى

واللى هيحصل من بعض السيدات كلمه واحدة بعد متعرف ان زوجها اتزوج عليها





طــلــقـنـى شـــكــرااااااا




[ندعوك للتسجيل في المنتدى أو التعريف بنفسك لمعاينة هذه الصورة]

طلقنــــــــــى

مجرد كلمة من 5 حروف بس قد اية بيكون تمنها غالى

ومتعدش بقى كم المشاكل ...

والاسباب كتير ممكن تكون مادية او نقص الوازع الدينى او الغيرة او او

تخيلوا يا جماعة نسبة الطلاق فى مصر وصلت ل 52 % !!!

بس فى اسباب تستاهل النسبة دى بجد؟؟ مفيش حل غير الطلاق ؟!!

مش هنستغرب لما نلاقى اوبشن كمان اسمة طلقنى.. شكرا !!

ثمن الانفصال ليس فيه فصال.. والطفل هو من "يحاسب" على الفاتورة

كشفت إحصائية أصدرتها جمعية المأذونين الشرعيين في مصر عن أن 52%

من حالات الطلاق التي تتم في مصر سنوياً تقع بين زوجين عمرهما ما بين

20 - 25 عاماً. الإحصائية كشفت أن عدد حالات الطلاق في مصر

وصل إلى 264 ألفاً، وأن 42% من حالات الطلاق تتم بين المتزوجين

حديثاً من السنة الأولى حتى السنة الرابعة.



طيب تفتكروا هو الموضوع ناقص اننا فى معظم مسلسلاتنا اننا نطالب بتعدد الزوجات

شايفين دا حل ولا بداية مشاكل تانية هتتسبب فيها خراب لبيوت تانية

دى مشكلة كبيرة ومنتظرارائكم فيها

تسلم ايدك ياكيموووووووو

بصراحة الموضوع شائك ومتشعب وليه اكثر من حتة نتكلم فيها

بالنسبة للتعدد فهو بصراحة وبعقلانية كده

بيحل مشكلة العنوسة لانو فعلا اتعمل احصائيات ان البنات نسبتهم اكثر من الشباب وفي المستقبل القريب مش هيبقى في عريس لكل بنت

بس من ناحية تانية الست مستحيل ترضى حد يشاركها في زوجها

وكمان الحالة الاقتصادية لا تسمح بده فبالعافية الرجال قادرين يفتحو بيت واحد

بالنسبة بقى لنسبة الطلاق العالية ومنتشرة بين المتزوجين حديثا

فده لان اول الزواج هو بداية الحياة والوحد لازم يحط بين عنيه انو هيعيش مع انسان غريب عنو تماما

سيبك من انك تعرفو وبتقبلو من مدة وبتحبو

العشرة هي الي بتبين معدن الناس وطباعهم

فلازم يكون في ليونة في التعامل وطولت بال من الطرفين لحين ميتعودو على بعض والمطلوب انهم يدوبو في بعض مش قصدي المشاعر لان ده مفروغ منو

انا اقصد الطباع واسلوب التعامل

لازم يتعودو على طبع بعض ويمشو عليهم ويتقبلو بعض لانهم اتنين وتركبتين مختلفتين تحت سقف

مهما كانو بيحبو بعض

فضروري من الخلافات والمشاكل والعند مش مطلوب خالص بينهم

بصراحة ياكيمو الكلام كثيييييييير في الموضوع ده

ويستاهل نتناقش فيه اكثر من كده

تسلم ايدك بجد على طرحك الموضوع