كان قلبي لك مدينه لاحظ إني قلت كان .!

كان قلبي لك مدينه لاحظ إني قلت كان .!
ماتغير شيء .. لكن .. صار فاضي( هالمكان )..

كان لك قلبي (( مدينه )) ولاحظ إني قلت : "كان "
يعني إنت الحين واحد (( خارج حدود المدينه ))

ليه مستغرب كلامي وليه أعطيك( الأمان)

ما ألومك كان قلبك ثارت( أمواجه وخان) ..!!
الخطأ مني لأني صرت في بحرك سفينه

والسؤال اللي كتمته وما نطق فيه اللسان
.. كيف (إيدك إطعنتني) وآنا أحسبها أمينه ..

جرحي مايرضيه قلبك لو يجيء كله( حنان)
.. لو تبوس الجرح فيني ولو تقبلها إيدينه ..

يوم أحبك قلت كلمة : ( يكرم المرء أو يهان )
وإنت قلبي ما كرمته وما قدرت إنك تهينه

( عزتي ).. ماهي جديده آنا شامخه من زمان ..
.. إغسل إيدك من رجوعي وروح ياإبن اللذينااا ..

طاب خاطر قلبي منك وهذي الفرقى رهان
وحتى لو قلبي يحبك ربي بفراقك يعينه

تدري لما قلت أحبك قلت وما عندي( ضمان)
وإختياري كان خاطيء تجربة بالحيل شينه

كنت تخطي وكنت أسامح مره مرتين وثمان
أمسح الزله عشانك وأكتم أنفاس الغبينه

كنت أحبك وكنت أعزك والغلاااا فيني (جبان)
أخاف تزعل لو ألومك ضعت مابينك وبينه

في عيون الناس عادي بس في (عيني جنان)
وكان قلبي من يشوفك تفضحه نظرة حنينه

ماني أول من يحب ومنت (آخر شخص خان)
المحبه في زمانك بحرها من غير مينه

الفشل .. كان النتيجة وأعتقد آن الآوان
.. ( أبني مستقبل حياتي وأنسى قصتنا الحزينه) ..

وخطوتي( الأولى )غيابك وراح أطبقها عشان ..!!
.. يبكي قلبك لافقدني والندم .. يملي سنينه

جاي تسأل عن (مكانك ..!! هو بقى فيني مكــــــان) ؟؟
الله يرحمها المشاعر اللي كانت لك رهينه

قلت لك قلبي ( مدينــــه ) فيها لك حشمه وشان ..
... لكن إنت ألحين أغرب شخص في (هالمدينه) ..!!

[ندعوك للتسجيل في المنتدى أو التعريف بنفسك لمعاينة هذه الصورة]

الله يعطيكي العاااااااااافيه

مبدعه دائما حبيبتي

» مدينه بالبسكويت
» يا من سرق قلبي
» مدينه القدس في الليل
» مدينه يجرى تحتها نهر
» مدينه كونكان الهنديه