يوميات جواز هند وكيوبيد الحلقه التالته

(طبعا الجنرال كيوبيد داخل من باب المطعم نافش ريشه ولا حسين فهمى فى فيلم موعد على العشاء )
قعدوا واختار لهند ست الحسن والجمال تربيزة على النيل وفى جو شاعرى ومزيكا عمر خيرت شغالة وهو هيمان وعايش الدور على الاخر
هند :ايه القرف اللى مشغلينه ده مش يدوروا اغنية لسعد الصغير ولا بعرور الواحد دماغه وجعته من دق المزيكا دى
كيوبيد صحيح جاهلة )ههههههه لا يا دودو ده جو رومانسى للمخطوبين احنا مش فى فرح ابن خالتك فى الحارة بلاش فضايح
هند :هههههه(اللى يشوفه كده يقول عازف فى الاوركسترا ماشفش نفسه وهو مرمى تحت العربيات ابن بهية
حناطة:ابيه ابيه ........عاوز اعمل بيبى مزنوق
كيوبيد الهى يسد نفسك انتا واختك يا بعيد)ايه يا حبيبى حبكت دلوقتى؟
حناطة:اة بقى حبكت ولا اخدها ونروح واقول لابويا
كيوبيد رزل زى بقية العيلة مش ابوك مهدى)
ويضحك بغيظ وقام شد حناطة من قفاه واخده التواليت
هند :معلش تعبناك يا كيوبيد.....اقوله شكرا يا حناطة؟
حناطة:واقوله ليه هو الحمام بتاعه ولا ايه؟
كيوبيد:ولا يهمك يا نوده حناطة ده سكررررررر(ربنا ياخده )ههههههههه
وجه الاخ الجرسون اللى ما يختلفش كتير عن الحيطة الا انه بيتحرك :تطلب ايه يا فندم اتفضل المينو ؟
كيوبيد :لالالالا ايه الكراريس دى احنا هنذاكر ولا ايه.........تحبى تأكلى ايه يا حبيبتى؟
هند :اممممممم انا مش هتقل اصلى عاملة ديت
بص انا ممكن اخد نص فرخة وجوزين حمام وطبق محشى مشكل واوعى تنسى الفلفل وجمبرى ولو فى مكرونة باللحمة ما يضرش
كيوبيد:وهو فاتح بؤه ومذبهل على الاخر انتى مش شايفة انه قليل يا هند ده انتى ما طلبتيش حاجة
هند :الله بقى يا كيو مش بقولك عاملة ديت اخاف اتخن كده كفاية اوى
كيوبيد ده انتى هتنفجرى امال فى البيت بتاكلى ازاى!!!!)لالالالالا ما يصحش يا حبيبتى
هند :شوف بقى حناطة هيطلب ايه
كيوبيد:حط ايه على خده وبصل للى ما يتسمى حناطة.........ها تطفح ايه يا حبيبى؟
حناطة:ماشى انا هسامحك عشان انتا هتبقى جوز اختى وهتعشينا بس
كيوبيد: لاكلك ذوق انتا واختك .......اخلص ما تخنقنيش هتطفح ايه فى ليلتك
هند:ايه يا كيو براحة على الواد يتخض .......الله
كيوبيد:قرب من هند ووطى رأسه بذمتك دى اشكال تتخض ده انا خايف يهجم عليا بدل الاكل
كيوبيد:خلص يا بنى هتاكل ايه فى ليلتك السودا ؟
حناطة بيطلع لسانه لغاية ما الامعاء الغليظة بانت من كتر ما هو فاتح بؤه)هاكل زى هند وماتنساش الحاجة الساقعة والايس كريم
كيوبيد : الهى اشوف فيك يوم انتا واختك قادر يا كريم)حاضر عنيا هو انا عندى اعز منكم
كيوبيد فى موقف لايحسد عليه يا عينى عليك يا كيو هاين عليه يعيط
هو
اكتفى بالسلطات و هند واخوها المفتريين نازلين حشر ........وبيبص لحناطة و
هند بغيظ :يارب يجيليك اسهال واشوفك مرمى فى الحميات 6 شهور ......وانتى
يا هند اما اكلتك طعمية سنتين ما ابقاش انا عبده
حسبى الله ونعم الوكيل
كيوبيد : مطرح ما يسرى يهرى يا حبيبتى
هند :نعم نعم يا سى كيوبيد
كيوبيد:لالالالالالا
ذلة لسان ده انا بهزر يا روحى بألف هنا على قلبك يا دودو (كان يوم مهبب
يوم ما فكرت اعزمك يا بنت العالم المفترية)
هند :اة اتعدل كده بحسب
وجه الجرسون وجت اللحظة الحاسمة:الحساب يا افندم
كيوبيد : كام لو سمحت(استر عليا ربنا يسترك )؟
الجرسون:660 جنيه و85 قرش
كيوبيد : احممممم متأكد حضرتك من الحساب
الجرسون:ايوة يا بيه
كيوبيد:طب ما ينفعش 400 جنيه دلوقتى الهى ربنا ما يحكم عليك باللى انا فيه
الجرسون:ايه يا اخويا انتا فى اوكازيون ولا فاكره محل ابوك هنا
خلصنى وهات الحساب
كيوبيد:خد هما دول اللى معايا وهجيبلك الباقى بكرة وخد رقم الموبيل
الجرسون:اةةةةةةةةة انتا بقى منهم يا حبيبى
انتا شكلك مش عاجبنى من الصبح انتا واللى معاك دول
واخد كيوبيد يا عين امه من قفاه وطبعا كلنا عارفين انه هيظبطه فى المطبخ
هند :انتا يا درفة الباب انتا سيب خطيبى بدل ما اوريك
الجرسون:اسكتى خالص وخدى البقرة اللى معاكى دى وامشى واحنا هنتصرف مع الحلو بتاعك
هند :بقولك سيبه احسنلك
والجرسون غلط غلطة عمره وشتم هند وزقها فى كتفها وضرب حناطة
هند
:قامت مشمرة وكعبلته وحناطة قعد على بطنه ونزلت فيه ضرب بكعب الجزمة
الجديدة بتاعة الخطوبة والراجل يا حول الله نسى اسمه وراح فى غيبوبة
وجه المدير وكل الناس اتلمت وطلبوا الشرطة
واتشد كيوبيد وحناطة وهند فى البوكس الفور باى فور وفى طريقهم للتخشيبة
هند: ولا يهمك يا عبده ربنا هينصرنا على اعداءنا باذن الله
كيوبيد: اسكتى بقى طهقتينى يا شيخة هو احنا طالعين حرب ده احنا رايحين نتروق وانا اللى هاخد البهاريز يا خسارتك يا كيوبيد هتشوه
ومش هلحق افرح بالخطوبة المنيلة دى
هند :اخص عليك انا مخصماك يا كيو
كيوبيد:يااااااااااااريت على طول مخصمانى
مش انتى السبب فى المصيبة دى انتى وبرميل الطرشى ده

ايه اللى هيجرى لك يا كيو ولسة عاوز هند ولا صرفت نظر
ادعوله يا شباااااااااااااااااب

ههههههههههههههههه نايس تسلم ايدك ياااااقمري

مرسى يا حبيبتى ربنا يخليكى يا رب ورمضان كريم علىكى يا قمر

هَہِِهَہهَہهَہهَہهَہِِهَهَہِِهَہهَہهَہهَہهَہِِ=))
بجد ‏حلـِۈۋ‏وھّ
هند دي حكايه لوحدها
هَہِِهَہهَہهَہهَہهَہِِهَهَہِِهَہهَہهَہهَہهَہِِ=))
ﺂﻟﻟـَّـھٓ يعين كيو. عليها.
متشوقه للنهاية.
حيكملوا ولا ٳيـٌﮭ ~
ميرسي ياقمورة بجد ‏حلـِۈۋ‏وھّ. زيك ~

يسلمواااااااااااااااااااااااااااااا

استمرى ريا قمررررررررر

الله اكرم ياقمري ربنا يخليكى وكل سنه وانتى طيوبه انتى كماان وياارب يكون احلى رمضان عليكى

ميرسى يا قمرات هايبقى احسن رمضان عشان هابيقى معاكم lol!

بليييييييييييييييييز يا قمرات ادخلو اختبارك مع الحياه
وعلقوا بليز تعليكم ها يقرق معايا اوى

» يوميات جواز هند وكيوبيد الحلقه التانيه
» الحلقه الاخيره من يوميات جواز هند وكيوبيد
» الحلقه التالته يوميات عمر وساره
» يوميات جواز هند وكيوبيد
» الحلقه الاولى من يوميات عمر وساره