(طبعا
هند وكيوبيد والاخ حناطة اتزقلوا فى البوكس بمنتهى الرقة زى
الفراخ........وفى الطريق لقسم الشرطة كيو قاعد منكسر ورأسه فى الارض ما هو
عارف اللى هيجراله وقدامه هند وحناطة وجمبه الباش شويش عبد الله)
هند
:روق بقى يا كيو ولا يهمك انا معاك ......لو سمحت يا شاويش ممكن اتصل
ببابا على الموبيل عشان يجيب اكبر محاميين فى البلد لكيو ويحصلنا على
القسم(طبعا بابتسامة بريئة)
الشويش:ممكن طبعا يا مدمازيل بس طوالى احسن احمد باشا يزعق
كيوبيد :بقى ابوكى متولى هيجيب اكبر محاميين فى البلد ان ما جه وجاب معاه صبى محامى ما ابقاش انا كيوبيد
حناطة:ماتتريقش على ابويا مش كفاية قتال قتلة ومستحملينك
هند
:عيب يا حناطة ابيه كيو متوتر واعصابه بايظة دلوقتى.......وقامت طلبت
ابوها على الموبيل :ايوة يابابا تعالى بسرعة احنا فى القسم وهات محامى معاك
كيوبيد ممكن ياخد اعدام هنحاول نخليه اشغال شاقة مؤبدة ربنا يستر وراحت
قفلت السكة ع طول
كيوبيد:منك لله يا بعيدة جبتيلى نصيبة وانا قاعد اعدام ايه ربنا ينتقملى منك يا شيخة
هند :ايوة يا حبيبى افرض الراجل الجرسون مات لقدر الله من الضربة مش انتا هتروح فى داهية برضه
كيوبيد:واروح انا ليه ما تروحيش انتى ليه مش انتى اللى كسرتى دماغه بالجذمة بتاعتك
هند
:ايوووووة عليك كيو يا حبيبى بالجذمة ومين جاب الجذمة دى مش انتا ياكوتو
موتو يبقى انتا اللى قتلته يا كيكو وخلى بالك انا هاشهد بكده فى القضية
الحق حق ما تزعلش منى .......(تبصله بحنية وكأنها هتعيط بس اما تتشنق
هتوحشنى يا كيو مالحقتش افرح بيك واسعدك)
حناطة:هخههخهخهخهخهخ.....ويعل
قوه فى المشنقة زى الفرخة الدايخة ويبقى كيوبيد ابو رجل مدلدلة(واترمى
حناطة فى ارضية البوكس من كتر الضحك)
كيوبيد وعنيه بتطق شرار .......ورحمة ابويا ان ما سكت انتا واختك هقتلكوا بجد ويبقى اعدام بحق وحقيقى يا ولاد مهدى)
الشويش:اكتم يا متهم منك لها له احسن اعرفكوا شغلكم
هند :يرضيك يا شويش ابقى متشعتفة عليه وهعيط وشايلة هم جنازته اللى كمان كام يوم وهو بيتريق على بابى؟
كيوبيد :نعم يا اختى بابى!!!!!انتى مفكرة ابوكى وزير النقل ده كمسرى قطر درجة تالتة
هند :احترم نفسك.... الله يرحمك يا عم شلبى يابتاع المراجيح اخخخخخخخ
كيوبيد :اتلمى يا هند فى ليلتك
هند وتتنهد بشويش)طيب هتلم هنفذلك اخر طلب ليك فى حياتك قبل الاعدام يا بيبى هههههههههه
حناطة:هاهاهاهاها....... احسن اهو اتعشينا ببلاش وخلصنا منه فى نفس اليوم
كيوبيد نيم حناطة على الارض ومسك ايده وعضه وحناطة يصووووووووت )انا هقتلك يادرفيل انتا واخلص الدنيا من اذاك
الشويش:بسسسسسسسس يلا اتجروا انزلوا وصلنا وما اسمعش حس حد فيكم جوه الا لما احمد باشا يسأله
(دخلوا
جوه فى مكتب الظابط احمد اللى هو نرفوز جدا ومراته دايما منكدة عليه عشته
.........هند وكيوبيد وحناطة واقفين فى منتهى الادب قدامه )
الظابط احمد:ها ايه يا سى كيوبيد مش عيب عليك وانتا طويل واهبل كده وتعمل اللى عملته فى مطعم محترم
هند :اخخخخخ اخيرا لاقيت اللى يقدرك يا كيو
الظابط:عملت كده ليه يا اخويا؟ انطق
كيوبيد :ما هو اصل يا بيه كنت عازم خطيبتى دى هى والجحش اخوها ده على العشا وطلبوا المحل كله وانا مكنتش عامل حسابى
الظابط:واما انتا مش متهبب عامل حسابك بتتنيل تعزمها ليه من الاول؟
كيوبيد :غلطة عمرى يا باشا ومش هتتكرر ده ان ما سبتهاش اصلا وارتحت من بلاويها
هند :هتسيبى يا كيو مكنش العشم وانا اللى جاية اشهد معاك قدام النيابة واخفف الحكم
الظابط بزعيق وعصبية)بس يا اختى ولا اروح اجيبلك منديل تعيطى على المحروس بتاعك
كيوبيد احسن .....يارب ياخدها حبس انفرادى 48 ساعة)
(وصل الاستاذ مهدى والست بهية ام كيوبيد وام هند.......ومن الخضة يا عينى جايين يجروا ورا بعض ولا كأنهم فى الاوليمبيات )
الست بهية:ياحبيبى يا بنى يالهوووووووووووى هيعدموك يا كيو
يا نور عينى اهىء اهىء اهىء اهىء(وتعييييط ماهى مفكراه هيتعدم بقى)
الظابط:ياستى اهدى
الست بهية:سبنى يا اخويا ده الحيلة .........ده انا جبته بعد شوقه ده جالى على كبر(وتحضن كيوبيد وتعييييييييييط)
الظابط:ياستى افهمى الموضوع الاول
الست بهية:افهم ايه؟ هيشعلقوك فى المشنقة يا ضنايا يالهووووووووووووووووووووى وتعييييييييط
ده يوم ما ولدته ندرت للغلابة فول وعرق سوس وكنت هموت من فرحتى بيه وابوه مرجح عيال الحتة ببلاش اسبوعين
(الظابط احمد اتخنق وحط ايده على راسه وسبها تخلص وصلة الرثاء على روح المرحوم كيو)
كيوبيد: (بص للظابط وقاله معلش يا باشا ثوانى انا هفهمها واسكتها) بس بقى يا أما فضحتينى قدام الحكومة انا كويس ومش هتعدم ولا حاجة
ام كيوبيد:صحيح يا حبيبى.....أمال اللى تتشك فى لسانها خطيبتك قالت لنا كده ليه
هند شدت كيو من القميص )على فكرة لو كملنا مع بعض امك دى مش هتنفع معايا
الظابطوكان
خلاص مش طايق يسمع صوتهم ورغيهم)ها يا حيلة فهمت الست الوالدة ولا اخرج
واجيبلكم اتنين عصير واما جنابك تفضى ابقى اندهلى اكمل تحقيق فى يومك
الاسود
كيوبيد :لا يا باشا انتا تؤمر كمل سياتك
الست بهيةاللى يضرب فى قلبه ده بيزعق للواد كده ليه)ما براحة يا ابنى ما هو زى اخوك برضه
الظابط:نعم.....اخويا وانا لو ليا اخوات هياكلوا فى مطعم ويضربوا اصحابه ويجروا زى المحروس ابنك
الست
بهية:اة وغلاوتك كنا هنقدمله فى كلية الظباط بس هو راح قدم من ورا المرحوم
ابوه فى الدبلون ....أل ايه دى رغبتى وده مستقبلى يا بابا
هند:ايوة يا حضرة الظابط اصل المرحوم حمايا كان رئيس مراجيح مولد النبى وكان عاوز يشوف كيكو مقدم اول فى مولد السيدة هههههههه
الاستاذ مهدى:هند عيب كده احترمى الباشا بلاش انا ...انا وامك واخدين على كده
الظابط خلاص طق منهم وعاوز يخرجهم من وشه بأى طريقة والسلام
الظابط:بسسسسسسس اسكتوا بقى
انتا يا كيوبيد احنا هنقفل المحضر ودى والراجل الجرسون طلع ابن حلال وسامح فى حقه لانك صعبت عليه بس لازم تدفع الحساب اللى عليك
وابقى خلى عندك دم وروح زور الراجل اللى مرمى فى المستشفى مكسر من عماليك
كيوبيد:الف الف شكر يا حكومة يعنى اقدر اروح يا باشا؟
الظابط:اة يلا غور فى داهية ونصيحة منى اما خطيبتك تعمل كده فى واحد فكر بس يضربكم
هتعمل معاك ايه اما تتجوزوا يا فالح وان شفت وشك تانى انتا ولا هى هحبسك يا كيوبيد
(والشاويش قفل المحضر ودفع كيوبيد باقى الحساب وربنه كرمه عشان هو نيته صافية )
وخرجوا كلهم بره على باب القسم واتمشوا لغاية البيت
امهند :يا حبيبتى يابنتى قلبى كان واكلنى عليكى اما سمعت من ابوكى كنت هتجنن
الست
بهية:لا يا ام هند ما تخفيش يا اختى عليها اهى زى الفل بس كانت هتجيب
لابنى نصيبة بعمايلها(وتبتص لهند وهاين عليها تدب صوابعها فى عنيها )
حناطة:بابا بابا هو ابيه كيو مش هيتشنق خلاص؟
الاستاذ مهدى :لا يا حناطة ابيه كيو عاوز راحة اسبوعين ونعمله طاسة الخضة
حناطة:يا خسااااااااااارة كان نفسى يتشنق عشان ناكل قرص وبيض على روحه اما يموت
الست بهية:ما تلم ابنك يا سى مهدى ...ده الملافظ سعد يا اخويا
الاستاذ مهدى:حقك عليا انا يا ست بهية وماتزعلش يا كيو يا بنى من هند دى قلبها ابيض بس هى عصبية شوية
الست بهية:عصبية على نفسها يا اخويا مش تموت ابنى اللى حيلتى
هند خلاص يا بهية جبتيه لنفسك اصبرى بس عليا اما يتقفل علينا باب واحد وانتى تعرفى مين هند المهدى)
كيوبيد بكل ادب وذوق)ولا يهمك يا عم مهدى انتو اللى حقكم على رأسى ودى غلطتى ماعملتش حسابى على العزومة
حناطةاقرع ونزهى اخخخخخخ.... بصوت واطى طبعا لان لو كيوبيد كان سمعه كان من حقه يموته فعلا المرة دى هههههههههههه)
هند واخده جمب وزعلانة من كيو ومش عاوزة تبص فى وشه.............شوفتوا الافترا أل هى اللى زعلانة)
كيوبيد بيراضى الاستاذ مهدى وبيهدى والدته يعنى بيلطف الجو .......وهو مش ناسى اللى حصل وعاوز ينتقم من لوزة قلبه الغالية)
يا عم مهدى انا دلوقتى واحنا ماشيين فى الشارع اهو بستأذنك نعجل فى الفرح ويبقى الشهر الجاى والحجة موافقة
هند:بصتله وبرأت عنيها من المفاجأة وما قدرتش تفتح بؤها بكلمة
(ابوها ما صدق لانه لو كان رفض كان ممكن تتفشكل الخطوبة خالص والكل روح البيت وهما مبسوطين
الا كيو اللى قعد يفكر ازاى هينتقم من هند ويعلمها الادب بعد ما تبقى حرمه المصون
الفرح جميل جميل اوعوا ما تجوش وتشوفوا هند وكيوبيد فى الكوشة ثم الى قفص الزوجية الحديدى الى الابد
طبعا ودى كانت الحلقه الاخيره من يوميات جواز هند وكيوبيد انتظرو يوميات عمر وساره
الإثنين 17 مارس - 21:22 من طرف 
الدردشة|منتديات محمد حماقى 
موضوع: الحلقه الاخيره من يوميات جواز هند وكيوبيد 
